黛安
黛安

麥當勞將軍漢堡系列強勢回歸 優惠價$36

發佈時間: 2023/03/24

麥當勞將軍漢堡系列強勢回歸 優惠價$36

講到麥當勞數一數二受歡迎嘅和風漢堡,非將軍漢堡莫屬,黛安聽聞,麥當勞將軍漢堡系列即日起再度登場,例如將軍漢堡就以嫩滑多汁嘅豬柳沾上日式照燒汁,再配埋爽口生菜絲和鬆軟嘅芝麻麵包,將照燒風味演繹得淋漓盡致。而玉子將軍漢堡就以豬柳搭配軟嫩蒸蛋,加上清新嘅檸檬蛋黃醬,堪稱天作之合。仲有玉子雙層將軍漢堡,兩塊豬柳即時將幸福感覺double up!將軍漢堡超值套餐優惠價只需$36,無論顧客到餐廳直接選購或以麥當勞App優惠券,都可以享受呢個優惠。

另外,Shake Shake薯條粟米湯味調味粉亦會回歸,金黃香脆嘅薯條沾上香濃粟米湯忌廉味,畀大家Shake出好滋味;而冰涼解渴嘅白提子椰果梳打則入口清新,令人胃口大開;兩款甜品包括Double OREO麥旋風及抹茶豆乳批,亦唔好錯過呀。

撰文: 黛安 消息特靈八卦公關
欄名: 八卦名利場