洪永城盼女兒入讀國際學校

洪永城（Tony）昨日出席全新節目《成人教科書》記者會，主持Tony表示是一個關於小朋友的節目，「相信監製今次搵我嘅原因係我做咗爸爸，但本身仲好似小朋友咁，所以希望透過節目令我同一啲家長睇完去反思，學識點樣教育下一代。」Tony相信小朋友是父母的延續，自問沒有耐性，「個女Amber依家16個月大，最初同佢講故事，佢好快就行開，慢慢多咗耐性，依家聽三分鐘先瞓着。」Tony透露已計劃女兒將來入讀國際學校，所以要努力賺錢。

另外，有傳朱晨麗和何廣沛六年情告終，曾與朱晨麗拍劇而傳不和的Tony表示︰「無睇法。」他又指沒有follow二人的社交平台。

採訪︰Pauline