解風東京｜杜如風參拜神社祈求遇到好歸宿 「之前幾個男友都偷食」

杜如風（Helen）近日為 J2（82台）主持旅遊節目《解風東京》，今晚（24日）十點半播出最後一集。 昨晚一集為觀眾介紹淺草專門求姻緣的今戶神社，該神社被喻為招財貓發源地。有套大熱日劇《戀愛可以持續到天長地久》在此取景，男主角佐藤健到此一遊，吸引不少戲迷慕名來參觀。

同場加映：

周奕瑋對「日本通」感壓力狂追資訊 克服致命傷：童顏矮小但我有能力

{{hket:ul-video id="7841"}}{{/hket:ul-video}}

參拜日本廟的正確做法，首先Helen是放5yen入供奉箱，因為「5yen」日文發音同「遇緣」相似，然後拜兩拜，拍一下手再拜一拜，禮成。日本人很喜歡「繪馬」， 寫下自己心願。想不到大癲大肺的 Helen居然一本正經，寫上「不要再遇上壞男人」， 節目中她有感而發︰「一生遇到太多壞男人，係時候畀個好男人我嘞！」她接受訪問時，解釋為何如此感觸，「之前遇親都係壞男人，幾個男友都偷食。」 並相信自己終有日會遇到好歸宿。

{{hket:inline-image name="5210.png"}}{{/hket:inline-image}}

《解風東京》不知不覺今晚播出最後一集，她自言︰「有唔捨得，做得好辛苦，身邊朋友讚嘅多，可能耐冇睇我出鏡？開心囉，而家諗緊添食，未有頭緒。」歡迎各位提供地點參考，她一定會從善如流，又說該節目由前期製作到出街，要花5個月時間，呼籲觀眾要有耐性。

她的美食推介，首選位於下北澤世田谷Stabler Cafe & Meatsand，主打和牛扒三文治，足300g的和牛都係賣1,850yen（約109港元），分量夠兩個人食。奉勸幫襯的朋友，企街食千萬要小心，隨時食到爆汁成手都係的時候，真係會幾「捩棄」。講到今趟旅行最大得着，她說︰「冇買爆銀包，仲有剩錢返香港，媽咪都讚我乖。」

今晚最後一集，重量級推介是位於東京都港區的超級隱世饅魚飯店，連當地人都未必識去。Helen先試了該店賣3,500yen（約200港元）的極上鰻魚飯，大大塊鰻魚咬落去脆卜卜，她拆解原因︰「鰻魚一般都係蒸完先燒，呢度係用關西做法，係全條由生燒到熟，所以特別脆卜卜，仲有好大陣焦味，好似食緊叉燒最香、最燶個部分！」跟住試食鰻魚三吃套餐，除了原始吃法，還有加入漬物、茶漬兩大日式要素。

最後來到淺草食甜品，目標是紅鶴甜品屋主打pancake的人龍店。該店招積的地方是要晨早八點半到店排隊、攞飛、填資料、揀時間，最後交低訂金。事實又抵該店招積，所有甜品都是即叫即做，一款半熟蛋煙肉鬆餅，售價2,000yen（約120港元）。

{{hket:inline-image name="43.png"}}{{/hket:inline-image}}

解風東京丨杜如風活在當下冇諗過儲錢買樓 揮霍形象難變：我自己賺自己使【下一頁】

撰文：娛樂組