Coffee醉醺醺瞓身向老公詐嬌出事 直男翟志榮公主抱老婆Man爆

林芊妤 Coffee自從以導師身分開設YouTube頻道教人瑜伽之後，愈來愈受歡迎，大家除咗鍾意睇佢做運動之外，都多鍾意睇佢分享可愛嘅仔仔同埋日常生活，日前佢就分享點同「直男」老公相處，不過就玩到出「禍」！

同場加映：  周奕瑋對「日本通」感壓力狂追資訊 克服致命傷：童顏矮小但我有能力

{{hket:ul-video id="7841"}}{{/hket:ul-video}}

Coffee post出多張同老公嘅合照，相中嘅佢將全身放鬆，所有力卸晒去老公身上，之後再嘟起嘴，向老公詐嬌，佢留言：「每個直男身邊，都總有個古靈精怪既女人😙跟住就拗柴啦，完。諗返當時都覺得痛。」Coffee之後仲post出多一條片段，係佢扭到之後，老公將佢公主抱起，再去安全地方先敷冰，身邊朋友都不停大讚老公好sweet！Coffee仲自爆當時自己飲咗唔少酒，先會咁論盡扭到呀！

{{hket:inline-image name="337306666_584692013381422_4769450682884930453_n.jpg"}}{{/hket:inline-image}}

除咗有老公之外，Coffee仲有佢嘅小暖男囝囝「伯伯」，囝囝知道媽媽行動不便，主動叫媽媽撳住佢個頭做拐杖，真係孝感動天！唔少網民都叫Coffee要小心啲，唔好再咁「奔放」，呢個世界真係好多fans、家人同朋友關心佢！

Coffee老公除咗大隻可靠之外，佢喺生意上都幫到Coffee唔少，Coffee大讚老公理性精明，成為佢做生意嘅軍師。即使有朋友借錢，佢都會先問老公意見。Coffee雖有老公的附屬信用卡，但強調兩公婆財政獨立，自己從不依賴丈夫畀家用。佢仲話自己近兩年掙錢比老公多，有能力養起自己和家人，新一年計劃再置業。

圖片來源：Instagram