星光背後丨黃宗澤被逼做歌手有瑕疵好正常 認曾經暗交女朋友但見過鬼怕黑

黃宗澤（Bosco）接受商台《星光背後》專訪，宣傳劇集《廉政狙擊》，提到2008年突然「踩過界」做歌手，Bosco坦言非自己意願，「唔知點解做咗歌手，年輕時唔輪到我話事，樂小姐（高層樂易玲）話幫我出歌，個個小生花旦都出，你叫我乜就做。」他更指當年兼顧拍劇，根本無暇兼顧唱歌，「拍劇根本沒時間，得三日時間要學識又跳又唱，試過中環拍一首MV，排舞師即場教即學即拍。」

同場加映：周奕瑋對「日本通」感壓力狂追資訊 克服致命傷：童顏矮小但我有能力

{{hket:ul-video id="7841"}}{{/hket:ul-video}}

黃宗澤蠔吧下月重新開張 胡定欣「搲撈」：開價越高價件衫開得越低!【下一頁】

{{hket:inline-image name="bosco.JPG"}}{{/hket:inline-image}}

提到Bosco歌唱之路，不少網友都會想起頒獎禮一次被抽中與陳奕迅合唱《K歌之王》，Bosco說：「無端端live對住Eason唱喎，壓力大到黐線頂硬上，又未練過首歌，那次離台mon又好遠，根本靠估聽唔到自己唱乜，我仲同Eason講：『幫幫忙帶下，真的唔熟。』Eason仲話：『得！放心啦！』你哋睇不到我手心濕晒、壓力大到出晒汗！」

{{hket:inline-image name="vtb.jpg"}}{{/hket:inline-image}}

{{hket:inline-image name="asdha.jpg"}}{{/hket:inline-image}}

遭網絡欺凌多年，但Bosco坦然沒介懷，「我唔係靠唱歌搵食，又無學過，有瑕疵正常。從來唔覺得被bully（欺凌），到而家仲有人講仍然記得，幾開心吖！之後仲有人搵我二次創作錄多一首《發夢之王》拍廣告，佢哋事前仲問我介不介意，點會介意？好玩添！真係唔需要唔開心，至今有件事畀人記得你。」

廉政狙擊丨黃宗澤直認主動加肉搏床上戲 蔡思貝胸壓攬到實 疑似穿崩相流出【下一頁】

{{hket:inline-image name="800_a5f476fb823298f1856c99344268be72.jpg"}}{{/hket:inline-image}}

成長於單親家庭的Bosco出名孝順人緣好，投資有道開食肆又被喻為絕世好老闆，被形容為「黃金筍盤」的他有冇羨慕同輩的林峯家成立室？他說：「又冇咩，我有好多朋友，又咁忙，過時過節都唔寂寞，好多朋友屋企開派對。」他坦言由細到大均沒有成家的概念，「可能因為我單親家庭成長影響，完全冇呢個畫面或者概念，由小到大都冇諗過幾多歲結婚或者要生幾多個小朋友，完全冇！（阿媽催婚？）都冇！從來冇催促我呢件事。」他更突然自爆笑說：「要做我女朋友？過咗我阿媽嗰關先講啦！哈！佢都唔知趕走咗幾多個啦……」Bosco坦言擇偶條件首先對方不介意這一行，亦要預料被拍，其次要獨立不可以太依賴，而且要整潔，「譬如我屋企洗手間啲護膚品，我會擺放一絲不苟好似display一樣，好介意人哋亂搞我啲嘢，一被人整亂，我就發忟；其實我返到屋企，喜歡靜好少講嘢，睇吓邊個唔好彩識到我。」

至於黃宗澤單身咗幾耐？他遊花園話：「冇去計，其實中間我都有識女朋友，只不過大家冇發現。但而家我唔敢主動，好怕識新朋友，因為出過事。之前有朋友帶新朋友嚟吃飯，我只係同枱食飯禮貌上同對方講咗啲說話，點知佢將我啲說話分享上網，咁就被誤會成為花邊新聞，之後就怕咗，而家識新朋友會好小心。但我識女仔我仍然很open，但要認識下先！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組