33歲生日獲200粉絲賀壽 胡鴻鈞未約蔡思貝慶祝

胡鴻鈞（Hubert）今天33歲生日，昨日與200位粉絲舉行生日會兼粉絲聚會。Hubert表示因疫情已三年沒有舉辦歌迷聚會，所以昨日特別開心，又笑說︰「迎接18歲生日，希望自己同家人身體健康，事業更上一層樓。」他透露正日相約家人食飯慶祝，會否帶女友出席？他說︰「我會帶自己，我嘅生日個焦點梗係自己啦。（預埋honey？）家人就係我嘅honey。」

Hubert表示父母從沒催他結婚，「佢哋催我畀家用就有！」提到緋聞女友蔡思貝有否相約慶生？Hubert說︰「未約呀，佢都有提過嘅，但未約實日子，亦未送生日禮物畀我，總之所有人送嘅禮物我都鍾意。」Hubert指粉絲會寫信及生日卡給他，「我最鍾意文字，（寫情信？）真係要檢討下，通常都係啲鼓勵同打氣，無乜表白。」此外，提到TVB將裁員，已離巢星夢的他說︰「相信影響唔到自己，上年算係幫公司搵到啲錢。」

採訪、攝影︰Pauline