李美慧肚凸凸慶祝36歲生日 疑5年後再為60歲曾文豪添丁

落選港姐李美慧（Vivi），2018年同大佢25年嘅百億富商曾文豪奉女成婚，當日婚禮簡單而溫馨，唔少藝人都有到場祝福，亦被佢哋嘅幸福氣息感動。同年Vivi誕下囡囡「小糖心」，自此就冇再做幕前，專心相夫教女，閒時都係同老公囡囡周遊列國，生活非常寫意。唔經唔覺，囡囡「小糖心」已經5歲大，似乎將會有一個細佬或者妹妹陪佢長大！

同場加映：中年好聲音丨龍婷無懼批評父母化身樹窿減壓 街頭表演喜遇知音人：最美的風景

{{hket:ul-video id="7880"}}{{/hket:ul-video}}

{{hket:inline-image name="f2c8f7c30fda2a2b80def3c3ec79e6f6.jpg"}}{{/hket:inline-image}}

噚日係Vivi嘅生日，佢喺社交平台post出同老公囡囡慶生嘅相，留言：「又大一歲了，多謝大家，簡單輕鬆的一晚❤️🎂最緊要親人在身邊陪伴，就是最大的禮物。」雖然相中只係得老公同囡囡，不過由玻璃反射見到其實現場係勁多朋友舉機，同佢一齊過生日！另外，單係鏡頭見到，已經有六大個蛋糕，不過睇嚟Vivi就唔可以食咁多喇，因為佢似乎隔咗五年之後再有好消息！

相中見到Vivi着上鬆身衫，肚凸凸，目測已經係至少5個月嘅孕肚，而佢塊面都冇之前咁尖，圓咗唔少，孕味濃厚。睇番Vivi一個月前嘅相其實都已經有跡可尋，佢同囡囡親手為老公製作生日蛋糕，着上圍裙嘅佢腰粗粗，仲用雙手撐腰添！唔少藝人朋友都忍唔住問佢，其中楊埕留言：「嘩！又有咗新寶寶嗎？😍😍😍😍生日快樂Vivi !!!」另外岑潔儀都問：「Happy birthday. Baby no 2 coming ?（生日快樂，bb二號就快出世？）」

撰文：娛樂組