殺神John Wick 4丨甄子丹回應與成龍邊個更「打得」 「歷史」上曾兩次對打結局如何？

電影《殺神John Wick 4》（John Wick: Chapter 4）近日上映，飾演失明殺手的甄子丹表現十分搶鏡，戲份僅次於奇洛李維斯（Keanu Reeves）。早前他上節目受訪宣傳，被主持人問到跟成龍對打誰會勝出，佢嘅妙回引起熱烈討論。

同場加映：聲夢傳奇2丨文佐匡帶皮蛋由北京返港生活 愛動物有靈性：唔開心會陪住我

{{hket:ul-video id="7867"}}{{/hket:ul-video}}

「宇宙最強」甄子丹上名嘴Jimmy Kimmel節目受訪，期間談到拍港產動作片時預算不高，很多時都要埋位才設計動作，舉例說跟成龍同場的話，會先看看現場環境，再討論:「要怎麼逃出這座大樓」、「如何把門踢開」、「出拳時怎麼回擊」。接著主持問他跟成龍對打誰會贏，佢就笑住講：「我老了但他更老」（I’m old but he’s older），又以長輩（seniority）來稱呼對方。

{{hket:inline-image name="1.jpeg"}}{{/hket:inline-image}}

甄子丹母親為武術宗師，他從小接受母親嚴格訓練，早上五點就要起床練功，主持人開玩笑講：「聽起來她希望你受到攻擊時，隨時隨地都能準備好。」成龍都曾受訪時講佢練武經歷：「那個時候武行的人都說我是喝牛血的，一身的牛力氣，大的很。那個時期我整天就是練功練功。早上和梁小龍練；中午和洪金寶、元彪、元華練，晚上又跟梁小龍去練拳擊。晚上九、十點後，還要去健身房鍛煉。」

就咁睇二人嘅練武經歷，佢哋嘅功力可能係伯仲之間，不過今年「奔六」嘅甄子丹比成龍年輕九歲，分分鐘真係「贏後生」都唔出奇！

事實上，甄子丹同成龍喺「歷史上」曾兩次對打，一次係2003年嘅《贖金之王2：皇廷激戰》，戲中本身甄子丹已經將成龍制服，準備落刀將佢殺死，不過成龍戲中朋友范文芳就用火藥將佢炸飛，所以呢次佢係「輸隊友」。到2004年《千機變II之花都大戰》，二人再次對打，今次就加上好多特技，呢次二人都用劍鋒幾乎指到對方面上，所以學獎門人話，係打和！

由奇洛李維斯主演嘅《殺神John Wick 4》陣容盛大，有日本動作巨星真田廣之，帶來嶄新日式武打場面，而甄子丹則挑戰飾演失明殺神，與奇洛李維斯展開對決。