謝高晉30歲生日體驗做空中飛人 師傅龐景峰安排吊在半空吹蠟燭

藝人謝高晉明天（29日）30歲生日，為慶祝人生踏入三字頭，他特意到好友龐景峰（Andrew）即將開張的「新道館」，與一班參加特技班的學生，一起接受訓練，以體驗做特技人，龐景峰更親自落場教導，讓學生們體驗吊威吔扮超人飛。

同場加映：中年好聲音丨龍婷無懼批評父母化身樹窿減壓 街頭表演喜遇知音人：最美的風景

{{hket:ul-video id="7880"}}{{/hket:ul-video}}

{{hket:inline-image name="109.jpg"}}{{/hket:inline-image}}

Andrew與一班學生為「壽星仔」謝高晉送上驚喜，讓他飛住吹生日蠟燭，而一班特技學生則在旁大唱生日歌，創意十足。Andrew大讚謝高晉有天份，每個特技動作學一次便懂。謝高晉開心表示：「我從來無想過可以吊住威吔吹蠟燭，的確非常有心思。年年生日都好悶，今年唔想再唱K去同人逼，反而去打搞Andrew，學做特技人，試下新嘢。Andrew自細練武術，又去荷里活拍武打嘢，同佢過一、兩招，已經係極大挑戰。」

{{hket:inline-image name="105.jpg"}}{{/hket:inline-image}}

第一次體驗吊威吔的謝高晉更直呼好玩又刺激，「以前拍戲嘅時候經歷過爆破、出手打，而吊威吔之前喺內地見人咁做，今次終於親身感受到，原來要做好多安全措施，做特技要安全第一。」經過今次體驗，他直言視Andrew為師傅，「只跟佢學咗一日，就學識做後空翻，之後會再跟Andrew學其他。」問到會否想向特技人方向發展，謝高晉表示希望將來嘗試拍打戲，「就算廿幾樓跳落嚟一樣唔怕，我都會盡力去做好，把握每一個機會。」

{{hket:inline-image name="101.jpg"}}{{/hket:inline-image}}

談到生日願望，謝高晉希望可以多一些演出機會，唱多些好歌給大家，「仲要多謝爸爸媽媽將我帶嚟到呢個世界。」感謝家人及歌迷支持他的新歌《白羊男孩的情書》，他笑著提醒大家好好珍惜白羊座朋友，「唔好覺得佢哋煩，其實佢哋只係緊張。」

{{hket:inline-image name="103.jpg"}}{{/hket:inline-image}}

撰文：倪小珊