江華回春打扮勁Young似黃曉明 吳卓羲李彩華合體被fans包圍

久未露面嘅61歲江華日前同太太麥潔文現身大陸花生騷，江華身穿黑色金龍裝，戴上墨鏡同老婆、米雪及羅霖坐喺台下，雖然冇上台行貓步，仍然成為焦點！

同場加映：

聲夢傳奇2丨文佐匡帶皮蛋由北京返港生活 愛動物有靈性：唔開心會陪住我

{{hket:ul-video id="7867"}}{{/hket:ul-video}}

花生騷結束之後，似乎有一個明星飯局，江華網上post短片，片中佢同一位女粉絲大玩自拍，又同大廚們合照寒暄，非常受歡迎！片中江華經過一番悉心打扮，一套oversize綠色運動裝，加上唔再hea戴帽用心set髮型，當堂後生咗廿年回春，仲有幾分似內地英俊小生黃曉明添！

{{hket:inline-image name="6e84a6f6ly1hcfo6wl3ovj22tc480qv7.jpg"}}{{/hket:inline-image}}

江華留言寫低劇集《九五至尊》主題曲歌詞，勾起集體回憶，「萬丈精彩的人生！都因您伴着同行，落在這空間全無抱怨地，是我遇着你。」唔少網民都留言「呼喚」佢復出「這是要復出的節奏嗎」、「華哥快快復出」；又大讚佢依然好有魅力「啊！被華叔的笑容迷倒了」、「像高中生」。

活動中另一個焦點就係吳卓羲，43歲嘅佢去年參與綜藝節目《披荊斬棘2》後，人氣急升獲得不少工作機會，呢日佢喺花生騷穿華服，同拍檔李彩華手拖手行天橋好有默契，勾起粉絲對大陸劇《大丫鬟》嘅集體回憶。活動結束後，吳卓羲甚受歡迎，大批嘉賓包圍要求合照。

撰文︰娛樂組

圖片來源：微博