朱晨麗稱與何廣沛份屬同事 提被男方unfollow：我IG多咗人

何廣沛同朱晨麗自6年前開始經常以情侶檔拍劇、出席商場活動等等，雖然兩人冇公開戀情，但早已被視為一對！近日盛傳二人分手，事緣係何廣沛被發現單方面取消追蹤朱晨麗，而男方就回覆亦似係默認二人分手，指佢哋關係只係同事。

場加映： 聲夢傳奇2丨文佐匡帶皮蛋由北京返港生活 愛動物有靈性：唔開心會陪住我

{{hket:ul-video id="7867"}}{{/hket:ul-video}}

{{hket:inline-image name="2.jpeg"}}{{/hket:inline-image}}

今天朱晨麗出席「TVB X 淘寶直播媒體見面會」活動，向大家分享在淘寶購物的經驗。佢分享自己對網上購物「着迷」，甚至係去到唔睇唔安樂嘅地步。朱朱接受訪問，都被提到同何廣沛嘅6年情，佢亦表現得唔太想提起。

有傳同何廣沛分開，朱朱被問到會唔會挽留對方，佢就大耍太極：「公司(TVB)會留住佢，私人事唔回應。（傳何廣沛飛你？）唔好亂猜測，我哋不嬲都係同事。（唔係朋友？降呢？）以前都係（呢個關係）。」提到何廣沛不再follow其IG帳戶，佢即主動談及近日多咗網民follow佢社交平台，又話自己IG不嬲都係「多人嚟、多人走」。再被追問何廣沛係咪由同事降呢變網民，佢就回應：「你講㗎咋！」談到何廣沛指久未見過朱朱，朱朱就話自己好耐冇返電視城，但若與何廣沛見面都唔會尷尬。

採訪：梁肇明