新人結婚一般都會請兄弟、姊妹團，一名港男就發文控訴指之前為友人婚禮做兄弟，對方疑為節省婚禮開支竟把「紅事當白事搞」，而且由求婚、籌備至大婚當天安排都非常混亂，力數一對新人9宗罪，事後疑似新郎亦發文反擊。
同場加映：
管家王｜港男回收二手玩具贈基層 難忘有人捐出亡兄遺物
婚宴人情丨酒店辦婚宴親友封$40人情，新郎嬲爆：唔該查清楚價位，詳情即睇：【下一頁】
一名男網民日前在社交平台發文訴說為男友人擔任婚禮兄弟團成員的經歷，相關Instagram限時動態被截圖上載至網上討論區，引來網民熱議。事主形容男友人為人庹縮孤寒、貪小便宜，從求婚、籌備婚禮至結婚當天也令他感到不滿，並力數對方9宗罪。
1. 無求婚計劃
事主友人要求他和其他朋友幫忙準備向女友求婚，惟到達場地後卻不願一起布置，「話就一齊set，但你就咩都唔做就純癱咗喺張床」，甚至連拍片和求婚過程也毫無計劃，
「求婚求到你咁前衛，要人教你先識得單膝跪地求婚，我都真係第一次見。」
2. 拍婚照極隨便
他透露一對新人穿著裙褂和西裝，就直接去巴士總站，隨便找一輛巴士拍攝婚照，批評做法低檔，「我話可唔可以唔好咁cheap？（你）唔老尷我都尷啦，連畀錢租架巴士嚟影婚紗相都慳番，講真，結婚就一生人一次，可唔可以唔好做到咁核突？」
3. 抱怨兄弟不上心
事主透露他和其他兄弟團成員均為巴士車長，需要輪班工作，惟他指新郎籌備會議未有遷就他們的上班時間，卻批評無法出席的友人「唔上心」，更要求友人用視像會議應用程式開會，「人哋揸緊巴士你叫人哋開teams（視像會議應用程式）？你想人死早講吖嘛」。
↓ 點 擊 圖 片 放 大 ↓
- {{hket:inline-image name="WhatsA_600_600.jpeg"}}{{/hket:inline-image}}
- {{hket:inline-image name="SSN6uA8-redacted_dot_app-redacted_dot_app.jpg"}}{{/hket:inline-image}}
- {{hket:inline-image name="SSN6uA8-redacted_dot_app-redacted_dot_app-redacted_dot_app.jpg"}}{{/hket:inline-image}}
- {{hket:inline-image name="qiRZPA7-redacted_dot_app.jpg"}}{{/hket:inline-image}}
4. 兄弟利是太少
事主指兄弟團任勞任怨，「做到成隻狗咁嘅樣」，一對新人卻給予極低「友情價」的利是作為答謝，「女家畀$20，男家畀$100，作為司儀嘅我，女家再送多$20畀我，完美地形容『節儉』兩個字，X你我個宵夜仲要我倒貼$100出嚟呀！」
5. 兄弟服裝質素差
事主批評新郎疑為節省開支，為兄弟團揀選質素低劣的服裝，「真係人衰，連條褲都衰過人，又話幫我哋租新郎衫$500好貴，質地又衰過人，未夠一朝就壞、不斷跌，瘦到成條排骨嘅都係咁，畀多少少錢搵間好啲嘅都唔得」。
6. 行程安排混亂
他指新郎不斷修改行程，卻未有通知兄弟團，導致消息和安排混亂，「我哋問你行程，你都唔知道個行程係點」。他指新郎於婚禮前一晚預訂酒店房供他們休息，但只有2間雙人床房，令凌晨下班的他到達時需要「瞓浴缸」。
7. 要求兄弟隨傳隨到
他指新郎不但沒有預留休息時間，更要求他們隨傳隨到，一時指使他們「自己去搵嘢搞」，之後突然更改集合時間，部分兄弟甚至因不滿想即時離開，「家陣我哋係咪醫生？On call 36小時？完全同條女零溝通，搵我哋嚟搞，有啲嘢唔係淨係講sorry（對不起）就大晒」。
他又批評對方要求兄弟團搬運物資和外賣，自己完全無幫忙，「笨就搵足我哋，唔係收得你利是都大晒㗎！咩都我哋搬，幫手拎少少好輕嘅嘢都唔肯，落雨又唔肯幫我哋擔遮，全部隔岸觀火」。他又指婚禮當天才收到新郎派的喜帖，「其實對我哋有冇心，好易睇㗎啫」。
8. 新郎外母辱罵兄弟
事主指一對新人要求兄弟團幫忙搬運外賣，「我哋攞完都唔知道原來嗰份嘢有我哋份」，故未有吃光所有食物，惹來新娘母親不滿，「指住嚟X話我哋浪費食物」，令他無奈不已，「家陣我哋做錯啲乜嘢要畀你哋咁X？」
9. 紅事當白事辦
事主質疑一對新人為節省開支，「紅事當白事搞」。他透露女家經營殯儀業生意，竟以「殯儀館」名義租用旅遊巴，而未有租花車，「畀個司機問我哋究竟呢單係紅事定白事，真係大吉利是，百無禁忌。人哋個個結婚都使40、50萬，佢就係靠咁X庹縮先縮到去20萬」。
網民：咁都幫落去
不少網民看到帖文後均感到難以置信，認為事主應一早推卻，並分享自己的經歷。
↓ 點 擊 圖 片 放 大 ↓
- {{hket:inline-image name="c3-01.jpg"}}{{/hket:inline-image}}
- {{hket:inline-image name="c3-02.jpg"}}{{/hket:inline-image}}
- {{hket:inline-image name="c3-03.jpg"}}{{/hket:inline-image}}
- {{hket:inline-image name="c3-04.jpg"}}{{/hket:inline-image}}
- {{hket:inline-image name="c3-05.jpg"}}{{/hket:inline-image}}
- {{hket:inline-image name="c3-06.jpg"}}{{/hket:inline-image}}
- {{hket:inline-image name="c3-07.jpg"}}{{/hket:inline-image}}
- {{hket:inline-image name="c3-08.jpg"}}{{/hket:inline-image}}
- {{hket:inline-image name="c3-09.jpg"}}{{/hket:inline-image}}
疑似新郎反擊
事後疑似新郎發文逐點回應，對於求婚一事，他指「我識得求婚，我就唔使搵你哋幫手啦，咪就係要你哋畀意見」。對於婚禮程序，他指行程不斷更改屬婚禮常態，「要就我都要平衡各方」。
對於以殯儀館名義租車，他則回應稱：「有錢我想租勞斯萊斯添，而唔係啲咩白事牌頭，麻煩搞清楚做兄弟嘅只係要配合主人家就可以了。」他亦反駁利是一事：「仲有邊個話$88.8，大X把人可以證明。」
其他回應：
- {{hket:inline-image name="WhatsA_600_600.jpeg"}}{{/hket:inline-image}}
- {{hket:inline-image name="Whats.jpeg"}}{{/hket:inline-image}}
婚禮開支︳滿足外父外母，借錢辦千人婚宴，新人做兼職還債：婚後哭多過笑【附結婚開支調查】，詳情即睇：【下一頁】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
每朝索取《晴報》：精明生活．健康家庭．開心娛樂