周文健闖荷里活曾十幾萬食餐飯 初入行獲周潤發提醒做人要忍

現年63歲的周文健當年憑生力啤廣告而為人認識，其大隻佬形象深入民心，代表作有《孟波》及《逃學威龍2》，之後淡出幕前十幾年。近年周文健再度活躍電影圈，先後接拍《風在起時》及《正義迴廊》，外界對他的關注度大增。這次遠在溫哥華的李婉華，透過網絡跟身處珠海的周文健對談，大談當年到荷里活發展的趣事，及後去澳門賭場從事公關工作的所見所聞。

同場加映：

中年好聲音丨龍婷無懼批評父母化身樹窿減壓 街頭表演喜遇知音人：最美的風景

{{hket:ul-video id="7880"}}{{/hket:ul-video}}

{{hket:inline-image name="03301002.jpg"}}{{/hket:inline-image}}

{{hket:inline-image name="03301003.jpg"}}{{/hket:inline-image}}

周文健透露1997年拍完《孟波》後，一心想去荷里活發展，完成黃百鳴賀歲片的拍攝工作就出發，記得頭一年香港還有10套電影搵他，第二年仍有3、4部戲，到第三年已經冇人再搵。當年如此大決心離開，周文健說：「嗰時有同監製張家振聯絡，佢有興趣搵我同楊紫瓊拍《Mint Condition》，同佢有見面casting，我諗住呢個係好開始，原本2、3個月就開鏡，點知等等吓個project冇咗，但我已經過咗美國，之後真係好似從頭嚟過就去試鏡。」

61歲周文健孟波形象冇得輸 盤點巨星 發哥親民 DoDo最認叻【下一頁】

周文健指中國人在美國試鏡的機會並不多，而他成功的次數也不多，「10幾次都有中過2、3次，有時係我中咗，但我冇工作證就冇咗，哈哈…anyway，差唔多喺美國四年，識咗好多朋友。（喺美國等機會時花費好大？）係使美金，嗰時識咗一班朋友，鍾意一個禮拜有3、4次走去比華利山嗰邊，大家着得靚靚咁，開嗰啲香檳party，都唔係次次要你請，一個二個輪住請，但請一次都價錢…一晚飲成50支香檳。嗰時碌過一次卡，1萬5千蚊美一餐飯，即係10幾萬港紙。（都要出去應酬？）有啲係應酬，有啲係自己貪玩，仲後生，仲鍾意玩同飲酒，所以好多時候去呢啲活動多過去試鏡，嘥時間就係講呢樣。」

（↓點擊放大睇圖片↓）

提到在澳門賭場工作10年，周文健坦言早期有點不慣，因為做演員「有人服待」，賭場工作就身分調轉，要去服待別人。追問是否有客人連船飛也輸掉？周文健笑說：「我自己就試過冇船飛，唔係去澳門賭錢，係過去飲酒，飲咗支白酒後發覺唔夠錢搭船返香港，嗰時係80年代，跟住等天光，等人救。（好難適應？）間唔中會唔開心，都要吞咗落去，唔怪得人，佢哋（賭客）有時輸咗錢心情唔好，就唔好出聲，或者安慰佢下次唔好賭，休息一段時間…喺澳門學咗好多嘢，點相處更加好？好多時候要忍嘅，記得好耐以前啱啱拍戲，周潤發同我講過，佢話『你要忍，忍…』可能佢以前都學識過『忍』，好多嘢要忍，呢句係發哥講嘅。（忍到幾時？）我唔知，呢個佢就冇講…忍唔到咪即刻去廁所囉！」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】