由8女歌手王家晴(Candy)、許軼(Day)、蘇雅琳(Ivy So)、邱彥筒(Marf)、蘇芷晴(So Ching)、李芯駖(Sumling)和陳泳伽(Winka)組成的COLLAR,近日各自開始有單飛歌曲推出。當中Winka推出歌曲《一手造成》,經過多番挑選後,她選擇舒情慢歌。故事內容提到與拍拖6年的男友分手後的心情。從事金融行業的前度男友以往對她無微不至,未入行前二人共營運一個YouTube頻道、她參加《全民造星》比賽時,「跟得男友」幫忙打點一切,車出車入陪伴到錄影廠,成為她很大的強心針。可惜大家半年前左右,因為理念不一致而導致分手,前度換個身份在台下支持,再見亦是朋友。回想當初成軍,她與So Ching當時都擁有幸褔而且開心的愛情,但現在Winka回復單身、So Ching男友李啟言在演唱會上發生事故,仍然留院接受治療。Winka表示眾成員互相陪伴,做一個堅強而且有承擔的時候新女性。
Winka早前接受《晴報》訪問,與男友分手大概半年,「傷口」慢慢平伏,但排山倒海仍然沒有停下來。新歌更是抒情慢歌,也選擇了一首坦白面對自己上一段感情失敗的心情,「我可能比較情感豐富、情緒化,所以自己的單曲,最主要係自己愛情故事,反醒之後到底點樣,諗轉頭有乜做得唔好,令人反醒情歌。歌詞入面,『句句說教如何相愛,最絕望在如我肯改你亦不在』係最貼切,大家知我講經(人生哲理),鍾意分享,但有時做我另一半,佢聽我未必下下承受到。」
COLLAR「停擺」半年合體感受深 Winka自覺成長:各自去取西經【下一頁】
COLLAR成員|Marf Winka同日推單飛新曲剛柔並濟 唔擔心有比較:我哋一齊籌備【下一頁】
回想當初,Winka形容與前度男友就像大、小佛祖,有無窮的話題,無奈始終有時都未能同步,「行咁耐有好多好啱嘅位,我哋鍾意研究人生課題,刻服唔同嘅嘢,我哋好多都傾一餐。我同佢係大佛祖同小佛祖,適當時候會Switch(身份對調),佢有佢唔夠擅長領域,都會有諗嘢唔夠好嘅嘢,我都會有,互相令對方諗通。」
曾經她都很感激前度在各方面的扶持,「我有好多難題都搵佢傾一齊討論,但呢啲唔係情侶關係。佢喺心靈層面好豐富,係好識得去照顧人,但同時都唔成熟,有時喺外好做嘢要好硬正,但返到去休息唔到,我會擔心佢好多嘢,如果結咗婚,佢就好似係囝囝。假設我生咗小朋友,就要照顧著兩個囝囝,我會覺得辛苦。」當日,前度男友管接管送陪伴她比賽,今日轉變了角色,不是枕邊人,變成一個在台下默默支持,有需要時都會幫手解決問題的好戰友。而前度一直是她的歌迷會會長,但會否留任,二人仍然在討論中未有答案。
二人拍拖6年,要放手都並非容易,她經過很漫長的考慮,從失望,心淡、灰心,最後主動提出分手。她否認因為二人在生活上有所改變,自己已經成為台上發光發亮的表演者,但前度仍然處於同一層面,「我唔從來唔嫌棄位置,係覺得出面做嘢好攰,而且原生家庭好多事要處理,我只想返到屋企做一個小鳥伊人,有人照顧我保護我,而唔係我仲要為佢前途擔心。咁樣會幻滅咗我哋將來,當我每次講經,佢又唔好受,我好似阿媽咁又唔好受。」曾經經歷兩次拍拖,覺得戀情都是雙方有責任,並不會一手造成,現時已搬離前度男友的家,但仍然對將來充滿期待,「我鍾意有目標,清晰自己要做乜嘅人,對生活有要求,而且要Man嘅,可惜我個Ex冇乜目標追求。」不過,新歌和宣傳訪問出現後,Winka被指消費前度,不斷來當作話題。
初入行,Winka與隊友So Ching對於自己的戀情暢所欲言,與另一半生活都很美滿,可是現在Winka與前度分手;而So Ching的男朋友李啟言(阿Mo)在去年MIRROR演唱會上,被墜落的大屏幕壓傷,仍然在復康之路奮鬥,So Ching心情自然痛苦。但她們沒有因為情緒而影響工作表演,堅強面對,抱持著新時代女性的特質,Winka說:「由事故到而家,隊友們都默默互相陪伴、支持,大家一同成長,大家互相陪伴,一個團就係咁做,唔關發生乜事或者自己感情狀態係點,大家知有狀態就互相照顧,就係咁純綷。So Ching已好番好多,之前做騷都好Enjoy,我哋成班都係新時代女性,堅強獨立,跟住就係肯承擔。」人生的成長,就只會令人越來越有個性。
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
攝影:何家賢、黃敬博
撰文:王連連
化妝: Percy Shing
髮型: Taurus Lee
形象 : Exactly the Sam
服裝: Harvey Nichols Hong Kong、APM Monaco