陳卓賢解釋取消追蹤林俊傑原因 「但係唔存在我唔尊重佢」

MIRROR成員陳卓賢（Ian）本月19日原定擔任林俊傑（JJ）在中環海濱活動空間舉行的演唱會嘉賓，惟臨時突然取消環節，後來主辦單位和MIRROR經理人黃慧君（花姐）均出面澄清，強調是溝通出現問題；今晚Ian到金鐘出席公開活動，首次開腔回應事件，解釋取消追蹤JJ IG的原因。

同場加映：聲夢傳奇2丨文佐匡帶皮蛋由北京返港生活 愛動物有靈性：唔開心會陪住我

{{hket:ul-video id="7867"}}{{/hket:ul-video}}

陳卓賢、鄭秀文（Sammi）今晚到金鐘出席時裝活動，活動上Sammi蹺實Ian的手合照，Ian笑言開心到手震，「好開心，好耐無見Sammi，上一次見佢係做佢演唱會嘉賓。」得知Sammi將於暑假舉行個唱，Ian笑言想自薦做嘉賓，「我會即刻清空所有檔期，多謝佢幾年前已經關注同畀機會我哋，好感謝佢。」

{{hket:inline-image name="503.jpg"}}{{/hket:inline-image}}

JJ演唱會事件發生至今已十多天，Ian坦言自己心情「無乜嘢」，又指當得知有機會做對方個唱嘉賓後十分興奮，亦有積極準備，他解釋：「我有去到綵排，但當日有啲溝通誤會，當然好遺憾，因為可以同天王級歌手同台唱歌，係非常難得，都係緣份，希望再有呢個機會跟前輩學習。（請你一個定成隊？）我都唔清楚，我都係跟公司安排，呢排拍緊劇，日夜顛倒，好似入咗其他時空咁。」

{{hket:inline-image name="502.jpg"}}{{/hket:inline-image}}

對於有指他事件後取消追蹤JJ的IG，Ian指自己只會追蹤見過或者曾合作的人，亦承認有取消追蹤，「我本身唔係太玩社交媒體，事實我本身無follow JJ，但我知道有咁嘅機會（做嘉賓），就以為見到真人會合作到，咁我就follow咗，但後尾無真正認識過，就...（取消追蹤），但係唔存在我唔尊重佢，網絡上同現實係兩樣嘢，現實係我好尊敬佢，覺得佢係好犀利嘅天王級歌手。」

{{hket:inline-image name="506.jpg"}}{{/hket:inline-image}}

另外，MIRROR為慶祝官方歌迷會成立一周年，將於5月舉行《Hi MIRO！見面會》，但有鏡粉投拆只得3,600個名額太少，亦不滿收費$480卻只能見一小時，Ian對於要收費亦感愕然，「要收錢㗎？我都唔太知道，多謝大家源源不絕的愛，但詳情真係要了解吓先。」為了安撫Hellosss，Ian有意拍完劇後，再與粉絲舉行聚會，又賣口乖表示十分掛念粉絲們。

{{hket:inline-image name="337920495_187032667129216_7349479627852136679_n.jpg"}}{{/hket:inline-image}}

撰文:娛樂組