【聲明】港生活網站並無進行電話推廣活動

無懼負評努力改進弱項 龍婷感激父母做「樹窿」減壓

發佈時間: 2023/03/31

41歲的龍婷是《中年好聲音》的人氣擔當,亦曾是旺角西洋菜街街頭的駐場歌手,吸納大批粉絲,更有「旺角小龍女」美譽。龍婷感激父母放手讓她追求夢想,更為她分擔比賽的壓力。

龍婷在西洋菜街街頭賣唱,唱出名堂,擁有大批支持者,更為她成立粉絲團。其實龍婷從小熱愛唱歌,「父母成日要我喺親戚面前唱歌,人生第一次上台表演係小學一年級,喺學校文藝滙演獨唱。」龍婷熱愛唱歌的程度有增無減,近年從內地來港的她,在機緣巧合下到街頭賣唱,「初頭只係為滿足自己,後來發現可以令聽歌嘅人得到快樂,慢慢成為事業嘅一部分。」龍婷白天打工幫補生活,晚上再唱歌,家人只知她不是一般的上班族,「有日媽媽問我點解成日咁多散紙,我將網上片段畀佢睇,佢好支持我做自己鍾意做嘅嘢。」不過西洋菜街表演於2018年被禁,龍婷只好無奈告別。

不介意被笑發音唔正

曾在西九戲曲中心等場地舉行演唱會的龍婷,去年卻選擇參加無綫歌唱真人騷《中年好聲音》挑戰自己。她坦言︰「比得賽就要有爭冠軍嘅心態,評委叫我撇甩鄧麗君嘅影子,佢哋嘅評語幫咗我好多。」龍婷又意外地與參賽者成為好朋友,「我本身唔係好識交際,但慢慢被佢哋融化,喺比賽期間感受到有班朋友喺身邊。」龍婷坦言每一步都是學習的過程,但難免被嘲笑講「譚仔話」,她卻亳不介意。「如果成日諗埋一邊會好唔開心,呢一行需要心胸廣闊啲,笑我咪改囉,唔笑我唔知道講錯嘛,我靠睇新聞同《東張西望》努力練咬字。」

除了與參賽者互相分擔比賽時的壓力,龍婷視父母是她的「樹窿」,開心不開心都會跟父母分享,在比賽的過程中,得到爸爸不斷鼓勵,「爸爸話我搵到屬於自己嘅跑道,就向前跑囉,每次同佢哋傾完壓力就無晒,我嘅減壓方法就係屋企人。」

一按睇片

攝影︰陳健珊、何家賢

美術︰梁政敏

撰文︰楊安莉

無懼負評努力改進弱項 龍婷感激父母做「樹窿」減壓

龍婷將於五月聯同香港青年愛樂樂團,假尖沙咀文化中心舉行音樂會。

無懼負評努力改進弱項 龍婷感激父母做「樹窿」減壓

龍婷在旺角西洋菜街賣唱,有不少支持者。(網上截圖)

無懼負評努力改進弱項 龍婷感激父母做「樹窿」減壓

丁文俊和龍婷因合唱《因為愛情》而傳緋聞。(網上截圖)