現年48歲的車婉婉最近擔任《中年好聲音》的主持,身為1992年第11屆新秀冠軍的她,跟參賽者同樣喜歡唱歌,背後亦有自己的故事,這次她接受TVB娛樂新聞台《星光路上》主持人潘盈慧訪問,分享她入行超過30年的起起跌跌。
同場加映:中年好聲音丨龍婷無懼批評父母化身樹窿減壓 街頭表演喜遇知音人:最美的風景
身為新秀冠軍級人馬的車婉婉,近年已較少機會唱歌,工作專注拍戲及主持方面,對上一齣劇集作品是《黯夜守護者》,而近排就擔任《中年好聲音》的主持。車婉婉坦言很喜歡唱歌,小時候可能婆婆在家成日睇電視,很多電視劇主題曲也識得唱,很自然就記熟所有歌詞。提到入行後歌手之路是否其預期?車婉婉說:「又唔係十分似我預期咁多唱歌嘅嘢做,以前細個覺得梅姐(梅艷芳)好型,我要做佢咁樣,但可能行第一步唔難,但行到嗰度真係唔係咁容易,所以都冇諗太多,反而走去做主持、拍劇,其實呢啲唔係我最想做嘅嘢,最想做嘅係唱歌,我就同唱片公司講,如果唔出碟就返去讀書等你,真係唔好嘥時間,仲有幾年讀嘅,如果你有咩工作就隨時飛返嚟。」
至於讀書期間有否想過繼續行下去?車婉婉表示:「梗係『收咗檔』啦,已經放棄咗,嗰時食嘢食到136磅。(點解又返嚟呢個圈?)有唱片公司話做啲新歌,直頭可以去LA(洛杉磯)同我錄音,我心諗『吓,咁筍?』,加上又用咗我鍾意嘅監製Alvin Leong,真係飛咗嚟同我錄咗隻EP,歷史又再次改寫,冇畢業就返咗嚟,呢次點解決定留低,因為有首同陳輝陽合作嘅歌又好受歡迎,好似有啲希望喎!」
中年好聲音丨車婉婉難捨淘汰參賽者心水三甲係? 吳大強收視贏囝囝:一次半次威吓【下一頁】
不得不提2000年跟許志安合唱的代表作《會過去的》,由陳輝陽作曲及黃偉文填詞,「嗰時安仔(許志安)好紅,佢係最受歡迎男歌手,可能見到我坎坷,哈哈哈,我嘅歌途好坎坷,有次好似食飯同我講『阿婉,不如我同你合唱』,我即刻同Duncan(黃劍濤,唱片公司高層)講,安仔就講明首歌唔好叫佢搞,搞完之後叫佢錄就得,我自己就打畀陳輝陽,阿Y(黃偉文)又無幾耐成份詞寫過嚟,成件事都好順利,首歌好快就錄完。」她記得Sammi鄭秀文是第一個聽《會過去的》,大讚首歌好聽,之後電台DJ又突然熱播,在多個樂壇頒獎禮上獲獎,亦成為卡拉OK熱點歌曲。
我家無難事|黃俊豪車婉婉相差16年演姊弟戀 何超蓮舊愛細個曾經係一名肥仔【下一頁】
正當唱歌方面獲得好成績,可惜2001年盜版問題影響樂壇,令車婉婉事業陷入危機,幸好電視台向她招手。車婉婉說:「拍劇係成個娛樂事業最唔熟悉,係珍姐(曾勵珍)搵我,嗰時拍《皆大歡喜》話要搵個奸妃,自己就諗咗個方式去演,出嚟嘅成果證明我搵嘅方向好啱,就係投射咗卡通片嘅巫婆入去。」往後陸續參與不少劇集演出,計有《天幕下的戀人》、《是咁的,法官閣下》、《牛下女高音》、《寶寶大過天》、《我家無難事》及《黯夜守護者》等。
(↓點擊放大睇圖片↓)
近期主持節目《中年好聲音》,見證中年參賽者對唱歌的熱誠,自己又有否勇氣參加比賽?車婉婉話:「我有問自己,可能會都唔定,我唔做主持都可能參加,因為我冇唱片公司。(仍有團火喺度?)鍾意唱歌嘅人喺台上感覺,係好難搵第二樣嘢取代,呢個節目除咗hit到中年嗰樣嘢,唱歌嘅治療能力係好高,好多人靜靜問有冇第二季,最近亦收到冇咩聯絡嘅親友電話,問我可唔可以幫佢哋報名,講真有第二季就大家都會知。」
撰文:娛樂組
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】