愛回家丨「群姐」許思敏勁入屋始料不及 拒拍兩種戲：怕啲仔畀同事笑

在無綫處境劇《愛回家之開心速遞》飾演群姐的許思敏，深受觀眾愛戴，當中她向熊樹仁（單立文 飾）獻吻，又被接龍保安撞破跟風少（陳浚霆 飾）約會，更是印象難忘。早年，許思敏接受《晴報》專訪時曾透露，與老公結婚47年，雖然不玩浪漫，但感情十分好，兩公婆閒時都會一齊去飲茶，探望孫兒，由於老公已經退休，所以家庭由他負責照顧，大讚老公對她很包容，所以很感激對方。許思敏有3個兒子，是一位開通媽媽，她不時在社交平台上，上載與兒子的合照，笑稱兒子是「群腳仔」。

同場加映：中年好聲音｜ 顏志恒浴室歌王走上舞台越戰越勇 望成為兒子好榜樣：夢想無價

{{hket:ul-video id="7928"}}{{/hket:ul-video}}

{{hket:inline-image name="278100275_489436132788658_8758768872025767447_n.jpg"}}{{/hket:inline-image}}

{{hket:inline-image name="11.JPG"}}{{/hket:inline-image}}

這位通情達理的媽媽，為了老公和兒子，曾經拒接一些工作，她早前接受由陳永業和袁梓珮主持的港台節目《我們的VIP》訪問，推job原因是為了尊重，她說：「如果要我好暴露、拍kiss戲，我就唔做，因為我啲仔大個，佢哋要返工，例如角色太出位，會影響佢哋工作，被同事笑，我又唔想囉，我要尊重番老公同啲仔。」

現時每次出街，許思敏被人稱呼做伊莎貝拉群，「呢個名係我拍《愛回家》嘅時候，大小姐（林淑敏 飾）叫開，可能啲人覺得好得意，伊莎貝拉又加個群字，所以就入咗屋、入咗腦，我冇所謂大家唔記得我個真名，叫群姐，我都好開心，因為證明你有睇我做戲。我啲仔以前叫我做思敏姐，而家就叫我做群姐，我同佢哋溝通好似朋友咁。」她表示很多謝林淑敏在拍攝時，經常提點她，走位時不要被阻擋光線。

群姐結婚43年情比金堅 許思敏首度剖白有個好老公【下一頁】

當初飾演群姐一角，許思敏坦言沒想過這麼受歡迎，「我心諗清潔工人之嘛，咪掃吓地囉，咪倒吓垃圾囉，抹吓枱、揸吓掃把咪算囉，我又唔諗到啲人咁接受，不過呢，都係編劇寫得好，一定要讚編劇、導演，又要我哋合作得好，監製、珍姐（無綫高層曾勵珍）都好好，我又諗吓群姐呢個清潔工人，點樣做法好呢，呢個職業好平民化，要做到好平民化入屋先得，我個仔就話『好易做啫，媽咪，你做番自己囉！』實在係喎，我係媽咪級，平時唔使開工都係行街、飲茶、去街市買餸。」

70年代，許思敏中五畢業後，曾先後任職文員、銷售員、化妝師，及後更獲機會演出教育電視，「我啲仔細個嘅時候好靚仔，有人搵佢拍教育電視，我帶佢哋去，點知有一日，有個媽咪甩底冇嚟到，有個助導問我可唔可以拍，我話『梗係好，好玩！』埋位即刻做，所以之後都有搵我拍。」

愛回家丨群姐被爆假戲真做激吻熊樹仁 KC率保安部面具戴足一集獲讚【下一頁】

{{hket:inline-image name="45756467.JPG"}}{{/hket:inline-image}}

許思敏曾以特約演員，參演多部影視作品，她坦言曾被導演鬧過，「我好嘢喎，我可以控制到唔喊；有次我拍電影《打擂台》，有場對白係現場收音，對白有半頁紙咁長，我已經睇到好熟，但我講咗四、五次都講唔到，冇辦法啦，導演話放飯，我自己諗拍唔到唔得喎，唔收錢都唔掂，我冇食飯，淨係飲水，清吓個腦，再記番啲對白，放完飯，全場靜晒，等我拍嗰場戲，結果兩take搞掂，全場拍手掌，我自己好似如釋重負。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】