東張西望︳方力申重提2年前遇上「借襪男」 驚被落降頭 朋友教化解方法

《東張西望》近日收到觀眾報料，聲稱在街頭遇上奇怪的「借襪男」，出價由數百至數千元不等，購入事主腳上穿着的黑色襪。事有湊巧，不少圈中人也遇過同類事件︰包括方力申、洪永城、李爾晨及丁子高等，昨晚方力申現身說法，在節目內自爆事件於兩年前發生，一度憂心自己被人「落降頭」，遂聽從朋友提供的方法去化解。

同場加映：

林子善獲黃子華教路喊出未來 淚謝伯樂扶持：劉佩玥係我幸運星

{{hket:ul-video id="7952"}}{{/hket:ul-video}}

{{hket:inline-image name="04121001.jpg"}}{{/hket:inline-image}}

{{hket:inline-image name="04121002.jpg"}}{{/hket:inline-image}}

方力申表示2年前在灣仔遇到一名年約50多歲，自稱救護員的奇怪男子，當時他正準備開車離開停車場，對方突然敲其車窗，「見佢個樣又唔係高大，又瘦...係我應付到嘅體形，就問佢咩事呀？佢就問我邊度可以買到襪，因為佢係救護員，佢嘅襪就唔合規格，已經畀上司警告過一次，如果再警告就份工都冇埋，所以就問我邊度買襪。」

怪事常出現丨丁子高遇「救護人員」500蚊求襪 洪永城方力申留言稱試過一模一樣【下一頁】

由於附近沒有相關商店，對方竟提出買方力申腳上穿着的黑色襪，當時他車尾箱有洗乾淨的黑色襪，於是提議拿給對方，「其實我行去車尾都有啲驚，佢會唔會有刀仔喺身？打開車尾箱有一對黑色，一對白色嘅襪，咁我就話畀你，錢就唔要，佢多謝我。黑色襪個牌子同條邊有啲紅色，佢見唔係全黑，話我着緊嗰對好啲...跟住我就忟憎啦，佢有啲奇怪，我就話錢就唔要你，你一係攞走對襪，一係就走。佢就話『我要！我要！多謝晒』，跟住就好似《鬼上你架車》咁，再擰轉面就唔見咗佢。」

東張西望│107歲陳婆婆超精靈元朗爆紅 退而不休麵檔做收銀自揭養生秘技【下一頁】

方力申回家後，在打籃球群組討論事件，有隊友回覆都話遇過，其他隊友就上網搜尋，「原來好多年前就已經有呢件事，網上啲人話會唔會係落你降頭練習？落降頭！我驚喎，我諗當時戴住口罩，佢認唔認到係我呢？應該認唔到嘅，我應該點做呢？點防範呢？我就唔敢喺社交平台同人哋講，又唔敢同記者講，驚佢本來唔認得我，講咗認得我就可以練習（落降頭）。朋友叫我攞張紙或紙巾，燒着跟住擺喺門口，好似檻火盆咁，跨三個圈，我嗱嗱聲咁做。」

（↓點擊放大睇圖片↓）

《東張》亦請來報料觀眾Jerald出鏡，他擔憂過事件跟邪術有關，說︰「有問過相識朋友，話機率就唔高，咁個心叫做定番落嚟。上網睇過有人遇上同類事件後，話男朋友成個月都行衰運，例如中咗新冠肺炎，好彩自己就冇咩特別！」節目預告今晚（12日）請來藝人李爾晨，說出他三次遇上「借襪男」的經過。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】