死屍死時四十四︳胡大為憶當年被爸爸阻止學剪片 至今銘記大導演張徹一席話

現年70歲的胡大為最近返港工作，應邀為電影《死屍死時四十四》擔任剪接一職。他在娛樂圈擁有多重身分，是電影編劇、監製、導演、演員及主持人，又是配樂師、剪接師，早年同阿燦（廖偉雄）合作主持的搞笑節目《笑星救地球》，大受歡迎；2015年憑《太平輪》獲得金像獎「最佳剪接」獎。這次他在《威哥會館》分享入行多年的點滴。

同場加映：

邵卓堯演奸角駕輕就熟望加深層次 離婚後跟前妻女兒保持良好關係

{{hket:ul-video id="8014"}}{{/hket:ul-video}}

{{hket:inline-image name="04111002.jpg"}}{{/hket:inline-image}}

{{hket:inline-image name="04111001.jpg"}}{{/hket:inline-image}}

胡大為接受主持人威哥的訪問（https://www.youtube.com/watch?v=RIx3pl6lMLo）暫時播出三集，當中他透露最鐘意的崗位是導演，之後是剪接、編劇，演員只排第四位，稱︰「當年黃金時代，差唔多每部戲都有喜劇元素，愛情故事又要笑，動作片、古裝片又要笑，形成咗好多機會，畀電影工作者從幕後跳出去，我一個機緣巧合跳出去做演員；但覺得做演員要有好多條件，唔係『哈哈哈』搞笑，講個gag就做到演員，香港演員係全世界應變能力最勁嘅，最識應變環境。」

威哥會館︳廖偉雄獲「程燦」帶挈一嚐男主角滋味 與曾志偉化「敵」為友合作拍戲搵錢【下一頁】

提到有段時期接拍不少電影，胡大為笑說：「自己知自己事，嗰團火始終喺剪接同導演方面，試過同時間身兼幾職，好慘，人哋搵我剪片唔見人，原來我去咗拍戲，嗰時得失好多朋友…我未係去到做演員嘅條件，因為演員唔只係一面倒做喜劇，演員係全面性又要付出好多，好多修為，能夠隨機應變，我覺得自己未夠條件。」

威哥會館︳袁潔瑩當年街頭怒啤成入行關鍵 黃百鳴慨嘆傅明憲父母名氣太強【下一頁】

當年如何入行？胡大為表示：「當年啱啱讀緊理工，睇到報紙邵氏招考剪接學徒，於是即刻去報名！但畀阿爸知道就拍晒枱，覺得我會荒廢學業，山長水遠去清水灣做學徒？我當時決心幾大，對佢承諾如果取錄，會夜晚繼續完成理工嘅課程。」最終他成功被錄取，每晚收工從清水灣去鰂魚涌返夜校，憑心中的一團火，在學師期間完成理工的設計課程。

（↓點擊放大睇圖片↓）

胡大為記得第一次剪接張徹、蔡揚名聯合執導的電影《警察》，獲得一個寶貴的教訓，令他獲益不少，「我第一次接到呢項擔正任務，就想表演吓自己身手，用交叉剪接手法去剪。剪好之後就畀張徹睇，播完諗住等佢讚，張徹導演好心平氣和同我講︰『大為大為，我拍呢個長鏡頭最主要原因，要介紹呢個新人傅聲畀觀眾認識，一個長鏡頭你同我剪到咁碎，我點介紹呢個年輕人呀？』呢個教訓畀我知道，無論剪接技巧點好，永遠要服務導演去講故事，唔可以剪到好零碎…或者而家睇番係好前衛，但係錯晒，唔合格，因為係要完成導演想要嘅要求。呢個係我幾十年記住嘅教訓同經驗，亦會同年輕剪接師分享。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】