Tyson Yoshi女友疑被偷拍屁股 港鐵鬧爆普通話男人渣兼報警

Tyson Yoshi出名錫女朋友Christy，今日喺社交平台放出幾段影住兩個男人嘅短片，指對方偷拍佢女朋友。Tyson Yoshi報警後警察亦有到場，他爆粗鬧爆對方：「XLLM偷拍死變態！」

同場加映：

林子善獲黃子華教路喊出未來 淚謝伯樂扶持：劉佩玥係我幸運星

{{hket:ul-video id="7952"}}{{/hket:ul-video}}

有網民留言問：「原來平時見到你唔可以影你㗎？」Tyson Yoshi回覆：「佢係偷影her ass（她的屁股）。」未知該男人偷拍他女朋友屁股定抑或係指裙底。唔少人鬧爆偷拍行為可恥，力撐Tyson Yoshi護花man爆，稱︰「你咁大隻佢當時應該好驚你一拳打爆佢」、「好英勇呀」、「有眼不識Tyson（泰山）」、「Tyson Yoshi係真男人！抵讚」。

{{hket:inline-image name="338949252_1317802025498800_8952549004333368051_n.jpg"}}{{/hket:inline-image}}

Tyson Yoshi今日社交平台出post同story，放上幾段於港鐵站影住兩個男人嘅短片，留言鬧爆對方「Scumbag（人渣）」，指對方偷拍其女朋友屁股，由於對方係講普通話，所以Tyson Yoshi全程用普通話跟他們講：「偷拍是吧？偷拍我女朋友是吧？」其中一位說「我沒有我沒有」、「誤會誤會」；而另一人就頭耷耷擰歪面想避鏡頭，Tyson Yoshi再講：「等警察來吧！不要走！不要走，你不要走！」最後警察到場，檢查其中一名男士嘅證件，而Tyson Yoshi亦有離遠錄低過程。

Tyson Yoshi最終update指對方行為唔足以構成「窺淫罪」，佢留言：「在這位遊客手機中發現Christy的偷拍照片，包括全身和半身（下半身）。警方檢查過手機後，確認這位遊客並沒有發放以上任何照片上社交媒體，但不幸地，偷拍的照片不足夠構成窺淫、非法指攝私密部位、遊蕩、公眾地方行為不檢；只能以港鐵附例『滋擾乘客』對這位遊客作出警告。多謝大家關心，我同Christy都冇事，大家都多加留意保障自己。」

撰文：娛樂組

圖片來源：Instagram