聲夢傳奇｜冼靖峰Archie挑戰快歌擺脫慢情歌王子形象 同屆學員各有發展：與自己比較

參加TVB節目《聲夢傳奇》入行的歌手冼靖峰（Archie）轉眼間已入行兩年多，繼去年初推出個人單曲《一個人的幸運》後，今年三月尾再推出新歌《BUG FIX》。第二首單曲相隔年多才面世，除了粉絲「弓箭手」都引頸以待外，Archie自己亦非常期待，希望為粉絲帶來驚喜。

{{hket:ul-video id="8075"}}{{/hket:ul-video}}

Archie表示呢首歌在去年已經作好，但今年才推出，「因為首歌係咁改，最終做咗8個版本。其實呢首歌本身係畀女仔唱，試過變男key，做咗好多調整。最後係我用假音嚟唱，當中有好多真假音轉換，真係用咗好多時間研究唱腔。」

{{hket:inline-image name="899.jpeg"}}{{/hket:inline-image}}

平時唱開慢情歌的Archie挑戰唱快歌，但直言想為觀眾帶來驚喜，「好想畀觀眾知自己有唔同聲線。」他又指今次歌曲玩味比較重，「自己聽開嘅歌同唱歌唔同，平時聽開upbeat、玩味重啲嘅歌，而讀中學、大學時壓力大會聽呢啲歌，都好想自己出番首歌幫人哋紓緩壓力。」

{{hket:inline-image name="6786.jpeg"}}{{/hket:inline-image}}

Archie出道兩年多，除了做歌手外，亦涉獵到演員工作。去年更到內地拍劇，他直言是獲益良多，「見到有好多內地演員都好犀利，雖然之前拍過《青春本我》，嗰時演技幼嫩，可以NG 。但返到去都唔興NG，拍完一下就完成。但呢個經歷都會幫到自己拍戲。」

{{hket:inline-image name="293235976_570123727899690_7607904328680806220_n_600.jpeg"}}{{/hket:inline-image}}

Archie又指之後會繼續演員與歌手兩線發展，「一開始歌唱比賽出身，鍾意唱歌多啲，但慢慢發現唱歌同演戲可以相輔相成，如點樣代入情感同鏡頭嘅捕捉。」他更預告之後會入劇組拍劇。

《聲夢傳奇》第一季有15位學員參賽，眾人都因比賽成為好友。而已簽約TVB的15人，都各有發展，Archie指自己不會與別人比較，反而會專心走在自己的路上：「而家越嚟越多實力唱將出嚟，最緊要都係focus喺自己度，每個人路唔同，最緊要同自己比較，因為觀眾睇你都係睇人點樣發展，最緊要係自己條路入面做得最好同埋裝備好自己。」他續說現在的他會把握每個機會：「機會呢樣嘢好難得，可能隨時都會降臨，要好ready自己，可能喺身材、樣、唱功或者健康狀態方面。」

場地：The Wave 
髮型:  Hugo Poon @privateisalon 
化妝: King Yip @kingsmakeup__