因葵公開周永恒疑遭家暴照片 回應：懷疑創作被利用做犯罪證據

周永恒過往曾經多次惹上官非，最為人熟悉的是他曾向前妻趙頌茹施暴而被告。近日網上流傳著名填詞人因葵個人FB內容，內容包含多張周永恒受傷的自拍照，照片中他的頭部多次受傷流血，其中一張在醫院留醫的照片中，頭髮被剃走，頭頂有明顯手術的釘痕，情況似乎相當嚴重。

同場加映：第41屆香港電影金像獎丨呂爵安粉絲安排遊艇成大會背景 蝦頭谷胸現身性感尺度贏林明禎

{{hket:ul-video id="8031"}}{{/hket:ul-video}}

周永恒轉性做湊仔公任囝囝「舞」 老婆IG曬大眼B仔激似老竇【下一頁】

{{hket:inline-image name="33925862-190880198400779-1241220388625580032-n_img_750_h_600.jpg"}}{{/hket:inline-image}}

{{hket:inline-image name="1_600.jpg"}}{{/hket:inline-image}}

因葵的內文寫道：「無論你哋認唔認得圖中男主角，你哋覺得佢係乜嘢人唔重要，清官難審家庭事，但一個女人可以不停講大話，誣捏佢老公，仲要四圍唱畀佢老公啲朋友聽，話佢老公打老婆，呢堆相，whatsapp cap圖內容係今晚人哋老婆同我嘅對話，其他受傷照片，係佢老公早前入醫院嘅證據，仲要係個老公啱啱做完腦部手術，情緒病續漸好轉嘅時候，到個老婆發神經，其實有暴力傾向係個女人，或者有人會覺得抵死，但呢個朋友，我用咗超過三年時間同佢相處，你唔會估到佢其實係點，喺你哋眼中佢只係八卦新聞一則，但我見到佢今晚含冤入獄，我實在忍唔住，我同佢之間一直研究宗教哲學健身音樂創作，佢的而且確曾經係有情緒病，但佢做咗腦科手術之後，係越嚟越進步，以前佢會喺我面前發洩情緒，而家同我傾嘅係佛偈，一個耶穌仔可以同我傾佛偈，如果佢真係呃我嘅，抵啦！唔好計佢以前自己私生活係點，呢一個世侄唔只係朋友咁簡單，佢可能係第一個令我發現自己有乜嘢弱點，令我進步嘅人，我曾經帶過佢去彼岸，然後又回到俗世，歡迎各界媒體主動搵我做任何形式嘅訪問，我而家只係想講一句：what doesn't kill me makes me stronger ! #世上本無好壞只有立場」

因葵此言一出，不少網友都猜想照片是周永恒疑被家暴後的證據，因葵接受《晴報》電話訪問，他表示三年前開始跟周永恒熟絡，大家因音樂和思考方向都志趣相投而慢慢成為音樂上的創作夥伴，因葵說：「呢幾年周永恒係有情緒病，曾經喺我面前發脾氣鬧我，我本身都係情緒病康復者，所以我明白佢。大家一齊做集體創作，過程中情緒都好好，我哋互相成為對方音樂監製。」他表示今年農曆新年後，周永恒失聯一段時間，因葵突然收到他的太太傳來照片，揚言被家暴，當時一直有腦瘤的周永恒剛接受完腦部手術，手術後對其情緒病康復都明顯大有幫助，他說：「我連佢老婆電話都冇，只係認得係周永恒屋企擺設，大約知道係佢，後來周永恒蒲頭話啲相係好耐之前，係佢老婆唔小心割親手嘅傷！」因葵續言前幾日收到周太的兩段錄音，他一聽就馬上認出是周永恒在錄音室的情緒練習錄音，內容是包含粗口和激動的言詞，「呢啲係唱歌技巧練習，我唔明點解我同藝人練習嘅錄音會喺佢手上。原來後來有人報警話被打，警方拉咗人，我覺得有人將我創作拎去做犯罪證據誤導人，令我朋友被拘捕。」因葵表示自己才是受害者，創作被挪用而大感生氣。

因葵是著名填詞人，80至90年代樂壇最為活躍，他的作品包括有太極的《紅色跑車》、《禁區》、張學友的《只願一生愛一人》、李克勤的《My Melody》、古巨基的《愛的解釋》、鄭秀文《插曲》等等，他跟太極成員雷有輝是舊同學，所以跟太極份屬好友，而他跟周永恒的叔叔周啟生亦有不少的合作。

周永恒結婚4年低調生活洗心革面? 專心陪老婆做慈父湊餅印大眼囝囝【下一頁】

事件曝光後，周永恒太太Britni接受傳媒訪問否認此事，揚言會循法律途徑追究，而她在IG分享兩段文字，「呢個荒謬嘅世界想紅想出位嘅人就可以出賣靈魂完全冇良知可言？」和「依家呢個網絡世界有邏輯嘅人真係唔係好多...我嘅忠告係睇少啲『愛回家』因為白癡就係咁樣練成㗎啦各位晚安。」，似乎是回應事件。

{{hket:inline-image name="96ba1362-0fc4-48bf-b173-851891aada4f_600.jpeg"}}{{/hket:inline-image}}

{{hket:inline-image name="JH.jpg"}}{{/hket:inline-image}}

{{hket:inline-image name="YH.jpg"}}{{/hket:inline-image}}

{{hket:inline-image name="KJ.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組