肥媽李鼎丨游嘉欣狂問無聊問題挑戰鼎爺EQ 鹽糖不分網友斥：問題少女過份白癡

全新煮食節目《肥媽李鼎》昨晚首播，由肥媽Maria Cordero與李家鼎（鼎爺）聯手炮製菜式，他們以往的拍檔分別是陸浩明和譚玉瑛，這次「合體」竟然換上全新主持人游嘉欣。昨晚播出第一集，游嘉欣完全發揮她的「天兵」威力，連簡單的糖鹽都唔識得分，甚至大膽對鼎爺、肥媽發問無聊問題，明顯是挑戰兩位廚神的EQ！

同場加映：

聲夢傳奇｜冼靖峰挑戰快歌擺脫慢情歌王子形象 同屆學員各有發展：與自己比較

{{hket:ul-video id="8075"}}{{/hket:ul-video}}

林正峰游嘉欣出身基層望回饋家人 「呢個時代好難搵到夢想同目標」【下一頁】

{{hket:inline-image name="YOU.jpg"}}{{/hket:inline-image}}

「A0」女神的游嘉欣在節目中雞手鴨腳，雖然對學煮嘢食表現得非常積極，不過頻頻令肥媽和鼎爺「反白眼」兼「嗌救命」，場面非常搞笑。游嘉欣將鼎爺講「攤」涼聽成「撻」著，將魚鰭講成「翼」，將「魚鬆」講成「肉鬆」，又將魚皮離鑊講成「甩皮」，實在笑料百出。

鼎爺爆當年拍攝《香港'82》時，演員拍食飯戲集體肚屙，於是他自薦炮製「蘿蔔魚鬆」一菜，令當時的曾勵珍大讚。鼎爺重新示範這道菜式，用鑊剷將魚膠推平，游嘉欣說：「哦，鋪平佢？」鼎爺忍不住說：「唔通起座山咩？梗係撳平佢啦！鋪平係被鋪先叫鋪平！」肥媽問：「鼎爺你畀佢玩完未？」鼎爺：「玩死咗喇！」當煮餸時蓋上鑊蓋，肥媽引導游嘉欣問鼎爺為何最後才落芹菜，沒想到游嘉欣說：「吓？放咗喇！」肥媽、鼎爺神同步一齊爆笑，明明講明最後才落，餸都未煮完，莫非游嘉欣發緊夢？

不能只有我看到的便利店追女神食譜｜游嘉欣做緋聞男友林正峰節目嘉賓 A0女神講擇偶條件嚇親主持【下一頁】

網民對游嘉欣這種傻氣主持方式反應兩極，有人大讚可愛︰「游游講嘢好有喜感」、「游游真係好好笑」、「有游游真係好睇，佢做得好好，笑死我」；亦有人轟︰「問題少女過份白黐（癡）」、「扮晒白痴（癡)， 成晩都好嘈」、「仲話係大學生？講嘢完全唔經大腦。之前洪永城教嗰班小朋友講嘢都有紋有路」、「over左（咗）的無知，dislike」、「口水多過茶！應該煮餸為主？忽略咗啲餸菜講解」等等。

{{hket:inline-image name="you9.jpg"}}{{/hket:inline-image}}

{{hket:inline-image name="TGG.JPG"}}{{/hket:inline-image}}

{{hket:inline-image name="YHII.JPG"}}{{/hket:inline-image}}

今（25日）晚播出一集主題是「廚藝界的明爭暗鬥」，TVB預告中所見肥媽、鼎爺爆出不少圈中秘聞。游嘉欣問到星廚背後是否真的有明爭暗鬥，鼎爺說：「我就唔理人嘅，最緊要做好自己，裁判唔係同事，而係觀眾。」肥媽則以煮鼓油雞舉例︰「有人用淋嘅，有啲就擺落去煮嘅，有啲人掟落電飯煲就算，咩叫啱咩叫唔啱啫？煮到就得㗎啦！」

游嘉欣問到觀眾最關心的問題：「星廚係咪好賺錢？」肥媽直認不諱：「我認係喎！以前未煮飯時，我都有做代言，但未有咁多（收入）。」再問有沒有試過被搶Job或抄襲時，肥媽即激動說：「我失去咗馬來西亞Job，本來傾緊兩個演唱會，點知有人話我要做阿燦（廖偉雄）嘅嘉賓（冇期），我心諗幾時有應承阿燦做嘉賓呀？去到馬來西亞睇報紙，原來有個肥嘅女人整咗我頭（髮型）去唱歌，叫『馬西來亞肥媽』！我咁就冇咗兩個Job喇！」游嘉欣自認細膽，聞言後認真問：「驚唔驚畀人話你爆咁多嘢？」肥媽教路：「做我哋呢行，第一樣就要唔好驚畀人話，一定要有人話你，游游...冇人話你，你係唔會紅㗎！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組