姜濤生日在即榮升姜老闆推童裝 人生三大快樂根源：食嘢打波同...

姜濤推出個人服裝品牌「TO ZERO」今日舉行發布會，商場擠爆「姜糖」，全場為姜濤大唱生日歌為他預祝4月30日的24歲生日，場面非常熱鬧。現場有不少粉絲都稱呼他做「姜老闆」，他坦言未習慣這個稱呼，「聽到都覺得唔慣，不過點都好過姜B，不嬲都覺得以前嗌姜B太小朋友，而家姜老闆又好似大得滯。」

同場加映：馮素波名氣總被比下去視為透明 釋懷更珍惜家人：每次見當惜別

{{hket:ul-video id="8063"}}{{/hket:ul-video}}

MIRROR 4子暑假檔單飛開騷？ Lokman指團隊演唱會要等幾年【下一頁】

{{hket:inline-image name="DSC_8280.JPG"}}{{/hket:inline-image}}

{{hket:inline-image name="DSC_8284.JPG"}}{{/hket:inline-image}}

{{hket:inline-image name="DSC_8207.JPG"}}{{/hket:inline-image}}

{{hket:inline-image name="DSC_8199.JPG"}}{{/hket:inline-image}}

姜濤在現場的巨型心形擺設前擺甫士影相，現場粉絲大叫「姜老闆」，又一齊唱兩次生日歌預祝姜濤24歲生日。姜濤現場分享品牌理念，除了款式外，望大家更留意背後理念是人生必需成就的99件事 ，希望大家用減法看人生，又指單純就是快樂。姜濤受訪表示第一次推出個人品牌心情緊張，屬自己陌生的領域，「希望大家好似評論我嘅音樂一樣，繼續畀意見我。」品牌請來古巨基擔任顧問，姜濤投資達7位數字，他表示今次籌備品牌大約半年時間，有一半的時間都花在構思理念上面，「希望用我做音樂嘅心態去做呢個品牌，每一系列都有唔同嘅嘢畀大家睇！（有童裝？）童裝係我提出，好似其他隊員冇乜點做童裝，(你著唔到？）我有好多Fans有小朋友，而我又咁鍾意小朋友，佢哋之後可以著親子裝，好有愛嘅畫面。」問到隊員陸續推出個人品牌，會否擔心競爭搶生意？姜濤說：「唔會諗，由入行第一、二年就有啲興趣出品牌，近年都有問大家意見同經驗，（你咁為食唔搞飲食？）有機會，呢個都係我鍾意嘅，我人生三大快樂根源，就係食嘢、打波同表演！」

提到快將24歲生日，他表示品牌的推出是最佳的生日禮物，特別是今次生意有慈善的成份，意義非凡。「開心係呢個品牌可以一直幫到人，呢個概念好有意義，知我嘅Fans不斷有捐錢幫助他人，希望自己品牌都有呢個精神。」

姜濤4.27現身Pop Up Store剪綵 個人服裝品牌名稱「TO ZERO」有咩意思？【下一頁】

{{hket:inline-image name="DSC_8258.JPG"}}{{/hket:inline-image}}

另外，提到有消息指MIRROR六位成員將各自開個人騷，姜濤承認此事，他表示將先開個人騷，再歸隊進行MIRROR演唱會，他笑言：「要開始準備操弗，不過大家唔好期望我會除衫，留畀其他隊友啦！（減幾多磅？）冇set呢個目標，順其自然啦！」他表示演唱會日期有待公司公布，至於獲選為港台「十優歌手」，姜濤表示：「第一次得呢個獎，多謝港台，每一個獎項對我嚟講都有獎勵，自己得獎、團體得獎都一樣開心，（出席頒獎禮？）要再等公司通知。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

採訪：黃寶蓮
攝影：林良明
撰文：娛樂組