東張西望丨報道元嶺村收過路費糾紛被兇 李旻芳超淡定勸解：其實驚到手震

《東張西望》昨晚報道大埔元嶺村的過路費糾紛事件，有村屋業主陳太太及陳小姐投訴由寓所外出的主要出入通道遭上鎖閘封死，疑因他們拒絕妥協繳交「過路費」予李先生，身陷苦境。2018年購入村屋單位的陳太太表示當時律師、地產及前業主都沒有提到「過路費」這回事，但當入住幾個月後突然被索取「過路費」，該段路正是由村屋單位出入元嶺村主幹道的小路，而後方的路屬私家路不可以用，基本上是完全被堵住出入，若不付款就會被封路。

同場加映：

馮素波名氣總被比下去視為透明 釋懷更珍惜家人：每次見當惜別

{{hket:ul-video id="8063"}}{{/hket:ul-video}}

全能司儀選拔大賽2022丨黃耀英輸比賽老婆李旻芳出po呵番 另類放閃賀結婚周年：懶得離婚【下一頁】

{{hket:inline-image name="lu1.jpg"}}{{/hket:inline-image}}

{{hket:inline-image name="lu5.jpg"}}{{/hket:inline-image}}

{{hket:inline-image name="lu4.jpg"}}{{/hket:inline-image}}

陳太太不滿遭索「過路費」，於是翻查地契，發現業權人是屬於葉姓人士，而並非索取「過路費」的李姓男士。陳太表示：「交咗一次，你包佢下次唔會再收你錢？佢連行路都要收錢，佢會放過任何嘢？我覺得唔可能囉！」由於陳太太一家拒絕付款，2020年起小路不斷遭到堵塞，先是安裝鐵柱，到後來用水泥桶、鐵枝等擋路，直至今年1月小路上安裝上鎖鐵閘。雖然她們曾經向政府部門求助，但收到的回覆是屬私人路段而無意介入。

《東張西望》李旻芳主動聯絡索取「過路費」的李先生問個究竟，但對方拒絕受訪，於是她跟攝製隊走到被封路旁邊的士多，打算問問街坊的意見，沒想到被幾位男士凶神惡煞出言恐嚇。有男士大聲用粗口喝罵攝影師，並出手扯住攝影機，「咁你影乜X嘢呀？X你！我已經叫X咗你唔好影呀喇喎頭先！」另一位男士稱：「記者...咁叫你唔好影就唔好影！」最終報警處理，警方只稱：「係一個爭持狀態，如果你話係明顯搶嘅舉動，老實講就五十五十啦！（如果我唔攞住部機，我部機會點呢？）呢部你公司財物，你一定需要保護啦！」隨後該男士大大聲說：「細佬，我唔知你邊度，溶咗你都仲得呀！我溶咗你得唔得？」可惜警方未有為恐嚇而立案，只以涉刑事毀壞而拘捕一名男士，並勸服攝製隊在他們護送下離開現場。

{{hket:inline-image name="lu13.jpg"}}{{/hket:inline-image}}

《東張西望》夫妻檔丨李旻芳擁抱喪犬傷痛轉化成愛心 與黃耀英愛心領養受虐唐狗Max【下一頁】

這次採訪可謂驚險萬分，李旻芳全程表現淡定，全程有安撫發惡男子。李旻芳接受《晴報》記者電話訪問，她表示：「當時好緊張，因為對方咁突然企出嚟仲氣沖沖咁同攝影師發生口角，我都好擔心會發生任何衝突，有咩碰撞都唔好啦！我哋做採訪嘅，始終唔可以單方面去報道事件，都想大家可以心平氣和去解決問題。好彩最後事件中只係啲儀器損壞咗，冇任何人受傷。報咗警，警察到場個心先定番啲...（你表現好淡定）其實我驚到手都震埋！真係嚇親，其實見到咁嘅場面，驚都無用，點都要扮淡定嘗試同佢哋心平氣和傾下...好彩佢哋有幾位男士係冇咁火爆，可以幫手控制一下。（老公黃耀英有冇好擔心？）有呀！我事後即刻同佢報告。佢都好擔心，不停打電話畀我問情況，仲話下次採訪類似事件搵埋佢一齊，等我安心啲。」

李旻芳坦言節目播出後，收到不少觀眾及網友留言著她要小心，「大家叫我小心啲，打份工唔好咁搏，真係好sweet！（有冇諗過唔做前線採訪？）唔得㗎，驚都要照做喇！始終都要有人做，唔可以因為驚就唔處理，咁樣只會助長佢哋，令到惡嘅人更加惡！始終...總要有人做，頂硬上啦！」

{{hket:inline-image name="Sna.jpg"}}{{/hket:inline-image}}

{{hket:inline-image name="Snapin.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組