【聲明】港生活網站並無進行電話推廣活動

入行十年感迷惘萌輕生念頭 趙璧渝哭訴愧對家人

發佈時間: 2023/05/03

藝人上位講天時、地利、人和,只在等一個機會。在無綫劇集《法言人》中飾演模CoCo的趙璧渝,入行不經不覺十年,卻淪為「新一代綠葉王」,最近在《法言人》的演出終受外界關注。回望在無綫的十年青春,趙璧渝試過一整年沒有收入,前路茫茫想過輕生;幸得母親及細妹支持追夢,她不介意做配襯,希望效法盧苑茵、羅蘭等前輩,一直演下去。

藝員訓練班出身的趙璧渝,不少熱播劇集都有份演出,例如《老表,你好hea!》、《鬼同你OT》和《降魔的》等,直至2020年《法證先鋒IV》飾演迷幻少女,搏盡除剩胸圍出位,卻是曇花一現,仍然未受器重。直至遇上《法言人》,戲份多而有發揮,而且還能夠出現於劇集海報上。她在劇中飾演一個充滿歷練的女人,失婚後帶着兒子生活,後來被攝影師(翟威廉飾)威脅勒索而鬧上法庭打官司。趙璧渝自言,角色剛強有主見,跟她的性格有很大反差,「我本身傻大姐性格,乜都無所謂,講嘢柔弱啲;導演要我想像好嬲,每日開工都要好多力。」

考了三次藝員訓練班

從小到大,趙璧渝表演慾強,剛畢業時,做過文職工作,亦到主題樂園鬼屋扮鬼嚇遊客,但最愛還是表演;為了入行,她三度投考藝員訓練班,「我入行過程都幾崎嶇,2009年考第一次,取錄咗,但屋企人同當時男友都反對,想我讀多啲書先。之後一年再考但唔成功,好失望傷心呀,再隔一年,朋友鼓勵我去報名,好彩取錄我…就做到依家喇!」

十年的星途未有起色,曾經試過有一年完全沒有收入,只收取每個月底薪數千元,根本不足夠生活。趙璧渝坦言現時仍未能每月給家用,甚至要靠家人照顧,「當演員係一份工嘅話,就會話唔值得咁捱。但我視演員為夢想,食少啲飯都要追夢,咁就值得。我唔會嫌角色奀,只希望有多啲發揮,想堅持做到好似Madam Lo(盧苑茵)同羅蘭姐咁。有啲人覺得女演員壽命好短,『明星』可能係嘅,做女演員就唔同,可以演繹人生不同階段,咩年紀都有唔同角色人物。」

希望得到家姐認同

趙璧渝續說,有段時間感到迷惘,心情低落得萌起輕生念頭,說時感觸落淚︰「《法證先鋒IV》之前有開工,但係完全無對白,突然間團火熄滅咗。成個人好唔開心,無晒目標,匿埋喺房喊。我覺得自己好廢,家姐讀書叻做空姐,細妹大學畢業出咗嚟做嘢,而我呢?好似對屋企無乜貢獻,突然諗如果我死咗阿媽會傷心,就喺嗰刻自救。」母親及細妹察覺她情緒有異樣,不斷鼓勵及陪伴,不過至今一直未能獲得家姐的認同,她泣不成聲︰「家姐無開聲反對,但畀我感覺係『呢份工無前途』,我希望得到佢嘅鼓勵、愛同支持,而唔係漠不關心。想佢知道我呢十年唔係發明星夢,希望有一日佢會讚我做得幾好,甚至有睇我做戲就夠。」

場地︰Mini hotel Causeway Bay

髮型︰Kathy Wong、Eunice Leung@Hair Corner

撰文︰王連連

攝影︰何家賢

美術︰悠然

入行十年感迷惘萌輕生念頭 趙璧渝哭訴愧對家人

趙璧渝(右一)感激媽媽同妹妹的支持,希望同樣得到姐姐的鼓勵。(IG圖片)

入行十年感迷惘萌輕生念頭 趙璧渝哭訴愧對家人

趙璧渝(右)在《法言人》為幫男友黃嘉樂拉票,不惜向盧苑茵下跪。(電視截圖)

入行十年感迷惘萌輕生念頭 趙璧渝哭訴愧對家人

趙璧渝感激黃嘉樂(左)耐心與她排戲。(電視截圖)

入行十年感迷惘萌輕生念頭 趙璧渝哭訴愧對家人

趙璧渝在《法證先鋒IV》飾演迷幻少女,一度成為話題。(電視截圖)

【晴報睇住賞 送108份Durex杜蕾斯001及003衛生套(2片裝)】

↓聖誕禮物,該送甚麼才是?杜蕾斯有一套小小薄禮,不成敬意!↓

卡樂B激量裝薯片!蜜糖烤雞翼味 / 茄汁味!

↓【晴報睇住賞 送31份雀巢Ⓡ全營授乳套裝】↓

↓想寶寶健康贏在起跑線?媽媽營養吸收要全面!↓

卡樂B激量裝薯片!蜜糖烤雞翼味 / 茄汁味!