法言人︳陳少邦演橫蠻奸角TK成功搶Fo 唔擔心形象：最緊要阿女冇問題

陳少邦在《法言人》內飾演橫蠻無理的有錢人TK，是劇中的大反派角色，跟Adam（張達倫 飾）同熙少（海俊傑 飾）組成壞蛋鐵三角，不時針對主角馬國明、林夏薇、張頴康及黃嘉樂。繼前幾集用紅酒淋林夏薇後，昨晚（2日）被踢出彭家爭權案，又輸官司要付贍養費，於是在停車場以高速駕車去嚇林夏薇，態度囂張又乞人憎，成為這晚焦點之一。

同場加映：法言人丨容天佑兒時跨境上課無阻刻苦練功 望拍劇有用武之地：我好想打

{{hket:ul-video id="8122"}}{{/hket:ul-video}}

{{hket:inline-image name="TVB30.jpg"}}{{/hket:inline-image}}

{{hket:inline-image name="bond_chan_339189905_1281629619420932_8589899156144939372_n.jpg"}}{{/hket:inline-image}}

陳少邦常在熒幕上演奸角，可謂深入民心，但私底下卻是一名「女兒奴」，勁錫歲幾的寶貝女陳妍菲（Freya），在「前世情人」面前極之溫柔。陳少邦今日（3日）接受《晴報》電話訪問，被問到成日演奸角，怕不怕影響個人形象？他說：「梗係唔怕影響形象，因為發現我個女睇完都冇問題，佢睇電視嗰陣剩係嗌『馬明、馬明』，見到朱匯林就叫『朱哥、朱哥』，見到我就嗌爸爸囉，就冇乜特別話覺得係衰人，或者會睇到喊。會唔會佢以為爸爸呢個角色係好人呢？哈哈…其實畀佢睇都唔怕啦，唔畀佢睇就可能冇得睇爸爸嘅演出，因為爸爸成日都做奸人。（會想有日可以演忠嘅角色？）咩角色都想，最緊要有戲做。」

法言人｜趙璧渝苦無機會曾萌輕生念頭 泣訴愧對家人：希望家姐認同【下一頁】

此外，1999年無綫藝訓班畢業的陳少邦，原來好恨獲得提名，給自己一個交代。陳少邦接受無綫訪問時表示：「如果有得提吓名當然最開心，唔使攞獎㗎，係想有個肯定同對自己有個交代。其實聽到同事話有網民提起自己，已經係好大鼓舞。」

（↓點擊放大睇圖片↓）

對於今次劇中爆Seed式演繹奸角成功搶Fo，陳少邦覺得這次角色有所「進化」，「劉家豪（總監製）同陳志江（監製）開劇前同我講，今次角色比之前嗰啲再勁啲，雖然都係有錢奸人，但係篇幅同牽涉嘅嘢多好多，就算我冇出場，『TK』個名都會講足全晚，等觀眾可以真係認識到呢個角色，係一個有錢人、惡人、野蠻嘅混合體。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】