《愛回家》賈明昇｜鄒兆霆愛犬未夠一歲已拍劇搵錢 緋聞女友吳紫韻勁錫：好似阿媽咁

《愛回家之開心速遞》中飾演「賈明昇」的鄒兆霆是愛狗之人，養了一隻巨型貴婦狗「Money」。Money而家一歲半大，鄒兆霆早在其三個月大的時候開始養，至今都有一年多的時間。鄒兆霆表示Money未夠一歲，已經入劇組拍《寵愛Pet Pet》，「佢識得自己搵狗糧錢，真係冇改錯名！」

同場加映：法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

鄒兆霆與李思雅份屬好友，他坦言受到好友影響而決定養巨型貴婦狗。他指細個都有養過狗，因此現時再養狗難度不大。「Money非常黐人，好鍾意同人玩，每次都會係咁咬隻公仔畀人，等人同佢玩。我都成日帶佢周圍去見身邊嘅朋友，佢嘅性格好多人鍾意，所以佢而家有兩個契媽 ，四個契爺！」而Money的其中一個契媽是李思雅；契爺是容天佑。問到緋聞女友吳紫韻（Purple）都曾po出與Money的合照，鄒兆霆就不諱言Purple就似愛犬的媽媽一樣：「Purple都好錫Money㗎！好似阿媽咁好！」

{{hket:inline-image name="145.jpeg"}}{{/hket:inline-image}}

Money在未夠一歲時已與鄒兆霆「父女檔」拍劇，鄒兆霆笑指：「帶咗佢返公司一齊拍《寵愛Pet Pet》，佢好好動，有陣時自己要埋位冇得睇住佢，身邊嘅同事就帶佢由一廠跑到去十一廠，只要你拎住條狗繩佢都當咗你係主人咁跟你走，哈哈！嗰段時間每日返到公司，身邊嘅同事朋友都係問隻狗喺邊度！」

{{hket:inline-image name="299858315_186226677178752_3412931488910661183_n.jpg"}}{{/hket:inline-image}}

Money外表可愛，原來細細個都好百厭。鄒兆霆指在Money細個時成日咬爛屋企傢俬，「連牆都咬爛咗，裝修都裝咗兩次。佢有次咬到風扇電線著火！後來有搵教練教我點訓練佢，而家就乖咗好多喇。而家屋企成地都係畀佢玩嘅玩具，Money就無再咬傢俬喇。」

鄒兆霆直言Money就好像他的寶貝女一樣，「佢三個月大既嘅時候就開始養佢，真係過得好快 。佢好似小朋友咁，眨吓眼就大個晒。」問到與Money最難忘的事，鄒兆霆就指是帶牠去絕育的時候，「佢平時好熱情、好活躍，就算畀其他狗狗咬佢，連打針，佢都係當無事咁玩。直到屋企人帶佢去絕育，接佢返屋企佢都無叫過…直至我收工返到屋企，佢麻醉藥都未過，暈住跌吓跌吓咁行過嚟撲起攬住我，係咁嚎哭慘叫…嗰吓我真係心都痛埋，佢就好似同我訴苦咁…」

雖然Money相當討人喜歡，鄒兆霆就表明不會再養多一隻巨貴，實行一隻夠晒數：「我想養Money係因為佢好得自己鍾意，佢係無可取代嘅。但我都經常帶佢同佢嘅朋友仔玩，等佢無咁悶！」

{{hket:inline-image name="321865881_1163144454311156_8191906684223132986_n.jpg"}}{{/hket:inline-image}}

{{hket:inline-image name="bbvv_600.jpg"}}{{/hket:inline-image}}

{{hket:inline-image name="SAMYu3_600.jpg"}}{{/hket:inline-image}}

愛回家│賈明昇癡漢變暖男冧掂熊心如 蘇韻姿回應失「補習」拍檔張明偉【下一頁】

圖片：IG圖片、受訪者提供

撰文：娛樂組