CHILL CLUB頒獎禮｜盧瀚霆姜濤包辦男歌手金銀獎 台上訴心聲感動全場

《CHILL CLUB推介榜 年度推介22/23》今晚頒發「年度男歌手」，由教主盧瀚霆（Anson Lo）奪得金獎、姜濤獲銀獎、陳卓賢（Ian）得銅獎，賽前不時被外間拿作比較，充斥不和是非的Anson Lo和姜濤，在台上分別盡訴心中情，姜濤向Anson Lo高呼I Love You，而Anson Lo則直言外間的流言蜚語，不會影響12子的感情，台下即掌聲如雷。

同場加映：法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

{{hket:inline-image name="809.jpg"}}{{/hket:inline-image}}

{{hket:inline-image name="808.jpg"}}{{/hket:inline-image}}

{{hket:inline-image name="804.jpg"}}{{/hket:inline-image}}

姜濤甫上台即逐一向隊友講出心底話，「Lokman我記得頭幾年有好多內部嘅問題，但係我知道經過《調教你MIRROR》之後，你好努力成為一個好嘅隊長，為咗我哋解決問題，我好respect你，多謝！Tiger雖然《調教你MIRROR》節目上話過我哋每日傾唔過50句，但係都未必有咁多，但我知道你喺電影同唱歌方面好有潛質，繼續加油；Jeremy你係我最surprise嘅一個人，造星嘅時候，並無太多留意你，我想講你係我覺得咁多個成員之中，進步得最多嘅人；Alton我每次搵你都係傾啲無聊嘢，但係我知道你一直好渴求有表演自己嘅機會，相信你總有一日一定會做到；Frankie我同Tiger講一句，可能同你一句都冇，我知道你仲好努力為緊自己目標，相信你比《調教你MIRROR》時更加成熟啲，加油；Anson Kong，你雖然脾氣依然照舊，我知道你都好努力成為我哋副隊長，所以好尊重你；Ian，I Love You，我proud of你值得擁有嘅一切，你攞獎我好開心；Stanley我知道你好想成為一個演員，你對演戲嘅熱誠，比起現場所有人更加多，所以你定會成為一位好嘅演員；Jer我知道你好想做到自己音樂路，一直以來對自己音樂好堅持，繼續堅持落去；Edan你實在係一個全能努力嘅人,你係我喺MIRROR入面第二個佩服嘅人；Anson Lo其實我知道，外界成日都會將我哋比較，好多支持者有時會因為我哋有好多爭拗，但係我想講我從來無理到呢啲，全民造星第一日開始經歷好多誤會，但係我永遠都係最信你，你知㗎，所以I Love You。」

{{hket:inline-image name="807.jpg"}}{{/hket:inline-image}}

{{hket:inline-image name="806.jpg"}}{{/hket:inline-image}}

{{hket:inline-image name="805.jpg"}}{{/hket:inline-image}}

榮獲金獎的Anson Lo表現感動：「多謝每位陪我行嘅觀眾同所有神徒，好多晚我都好大壓力。」他更哽咽稱：「我怕令大定失望，要對電視機嘅教父教母我對唔住，近排少回家食飯，贏到呢個獎希望令你哋自豪。」他乘機祝正日牛一的胞姊生日快樂，又向MIRROR眾兄弟稱：「姜濤話外界對我哋有好多紛爭、比較，我哋停唔到，無嘢阻我哋12個人，無論外界點寫，我哋會努力，有唔真實嘅COMMENT分化我哋，我哋會用表演去講，我哋永遠都係MIRROR。」

{{hket:inline-image name="DSC_2955.JPG"}}{{/hket:inline-image}}

撰文：倪小珊

採訪：黃寶蓮

攝影：林良明