李克勤演唱會兩個囝囝激罕露面捧場 管弦樂團準時11點收工單拖照唱

李克勤合共七場的《弦續》港樂演唱會昨晚在紅館開鑼，除了英皇娛樂旗下大批歌手藝人如吳浩康、李幸倪、泳兒、曾樂彤等人捧場外，李克勤的太太盧淑儀帶同兩個兒子李立仁和李力司激罕高調捧場，三母子坐在正台的嘉賓席欣賞，雖然戴住口罩，不過見到立仁和力司已長大成青少年，其中力司更染髮非常有型。以往甚少讓兩個兒子公開露面，就算IG分享照片都是刻意用Emoji遮住兩位公子的雙眼，沒想到今次克勤咁大方！

同場加映：大離婚日丨田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

李克勤5月開4場紅館演唱會 影海報竟然被人提醒防走光【下一頁】

{{hket:inline-image name="WILL9343.jpg"}}{{/hket:inline-image}}

{{hket:inline-image name="7CE865C6-6780-4AF9-9DB9-559CF683651A.jpeg"}}{{/hket:inline-image}}

李克勤當晚獻唱多首經典金曲，令觀眾聽出耳油，近年在內地擔任《中國好聲音》導師的他，連帶粉絲都大嗌「克勤老師」，當他聽到大家讚他靚仔，克勤笑言：「幾廿歲人，自己知自己事，唔會信呀我！」而他又開玩笑指台前的提詞機只是供觀眾用途，他揚言自己記性好，全晚只有幾首歌不太記得歌詞。

克勤不時有走近粉絲收禮物，又收利是又收玩具，他笑言：「利是呢家嘢真係中國人嘅美德嚟呀，唔一定新年，只要係真金白銀，全年派畀我都可以！」他表示：「見到好多熟悉面孔，有啲好細個就開始跟我，到而家大個晒！呢幾年由於疫情嘅關係，今次同大家少咗接觸，我一定要保持健康身體先可以做好咁多場演出，所以盡量避免同大家握手，希望大家都能夠體諒。

{{hket:inline-image name="SA9_3357a.jpg"}}{{/hket:inline-image}}

{{hket:inline-image name="SA9_3163a.jpg"}}{{/hket:inline-image}}

{{hket:inline-image name="F7F222B2-4566-4B53-910D-25ADB7133980.jpeg"}}{{/hket:inline-image}}

《聲生不息》丨李克勤爆《飛花》原叫《皮鞋》 嫌歌詞唔夠靚叫陳少琪改詞【下一頁】

演唱會於11點完結，當中歌單有三首歌都取消，後來全場觀眾大叫「Encore」，克勤再次出場解釋原因，當時台上的管弦樂手已經離台，他說：「舊年公司話訂場地做演唱會，我諗咗好耐時間都唔知做咩主題，啱番我而家年紀，而且過去兩年我喺香港時間真係唔多，樂壇有好大變化，2001年做過一次管弦樂團，以為好容易應付，點知花嘅時間都唔比一個普通演唱會少，同管弦樂團夾時間啦，例如佢哋好有規矩，11點就準時收工，所以你見個台少咗啲人，我都知頭先結束得有啲速。」隨後，克勤單人匹馬在舞台再唱《誰願分手》和《深深深》滿足樂迷才完騷。

{{hket:inline-image name="WILL9125.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：楊安莉