《法與情》丨葉璇為直播帶播變「大媽」解畫 聲稱經過刻意打扮兼「表演」

葉璇今日到葵涌出席MakerVille原創劇《法與情》開鏡拜神，近年主力在內地發展的她，透露已有3、4年沒有返港，今次因劇集監製邀請才回港拍劇，而劇中她飾演一位老人院老闆，個性純品和樸素，葉璇笑指：「個角色咁似我自己嘅！（仲係隱形富婆？）咪就係似我囉，有10萬蚊家底。」

同場加映：中年好聲音｜吳大強病癒中氣十足搞爛Gag 周吉佩被粉絲誤會有第三胎？

{{hket:ul-video id="8223"}}{{/hket:ul-video}}

{{hket:inline-image name="DSC_7258.JPG"}}{{/hket:inline-image}}

在劇中跟關智斌飾演一對的葉璇，她自爆從見面第一天，兩人已經互相稱呼「BB」，「劇本裡面我哋句句叫對方BB，好sweet嘅，我有少少起雞皮，關智斌OK咗，劇組人已經習慣晒。（兩個有親熱戲？）冇，激死我，佢同賈曉晨就有床戲，我同佢都床戲，但係病床上嘅戲。我個角色係演一個老人院老闆，好有愛心，從來無拍過拖，呢樣都好似我。」

{{hket:inline-image name="DSC_7533.JPG"}}{{/hket:inline-image}}

問葉璇現時的感情狀況？她表示：「都係咁，我長期都好好，無試過唔好。（同邊個好？）講你聽都唔識，我依家只可以對BB（關智斌）好，唔可以對第二個好。」但她否認現任男友是內地造型師小默先生，對於早前盛傳她已婚及生B？葉璇同樣矢口否認，「我依家無計劃結婚，傳我有咗？有咗好多錢呀？依家咪有咗BB（關智斌）囉！」

{{hket:inline-image name="101.jpg"}}{{/hket:inline-image}}

對於早前直播帶貨期間身材勁走樣遭網民嘲諷「葉大媽」，葉璇一輪咀解釋，「直播都係一台騷，無論真人騷、電視、電影呢啲都係表演，都係一個形象，如果你覺得一個演員只可以扮靚，唔可以扮醜嘅話都好唔專業。（即你特登？）梗係啦，個個形象都可以嘗試㗎嘛，我唔會唔開心，呢套戲前期都寫到我係醜，之後就會靚番。」

{{hket:inline-image name="0032avwtly8ha3fhbi9jcj60u019q0vx02_600.jpg"}}{{/hket:inline-image}}

葉璇指開劇前沒有刻意keep fit，她自稱20年內身形都沒甚大變化，磅數亦不會超過5磅，她更反問：「我依家好肥咩？（直播睇到你好肥？）有啲衫可以着到咁，今次呢個戲服都着到好醜同好肥，有造形㗎嘛，未去到師奶，係未結婚嘅中女，好有錢嘅。」

{{hket:inline-image name="ebcc9c94ly1hant0n5sd1j20nc0txq6e_600.jpg"}}{{/hket:inline-image}}

撰文：倪小珊

採訪：黃寶蓮

攝影：林良明