彭羚上年10月曾到英國探望好友、著名填詞人Wyman黃偉文，事後公開多謝對方饋贈無窮的溫暖，Wyman亦有分享二人合照。想不到事隔約8個月，彭羚突然孖老公林海峰再次到訪，原來是想跟今個月21日生日的Wyman提前慶祝。離開前兩公婆窩心送上擁抱，Wyman大爆自己鬆開手時，林海峰竟然未有放手，令其大感溫暖，「好過晒乜嘢生日禮物！」
同場加映：田蕊妮認曾衝動想同杜汶澤離婚 靠舞台劇提醒要幽默：唔好咁現實
Wyman移居英國已有一段時間，近年不少藝人去倫敦會找他敘舊，包括彭羚、吳君如、李蕙敏、陳鍵鋒、Edan呂爵安、容祖兒、蔡卓妍、林宥嘉及張敬軒等。當中彭羚上年10月做「跟得夫人」陪林海峰到倫敦跑馬拉松，並順道探留學當地的大女林泳，曾抽時間去見Wyman；她近日又再次去探Wyman，更是兩公婆一齊現身，令對方大感驚喜。
彭羚賣甩林海峰搵黃偉文傾心事 「多得你饋贈無窮的溫暖」【下一頁】
Wyman在IG分享三人合照，並講述前後經過及感受，他寫上：「從天而降、突擊倫敦的林氏伉儷。前日寫詞，如常通宵，朝頭早10點都未瞓，個人開始『溫溫燉燉（混混沌沌）』唔係好function到之際，突然收到彭小姐 WhatsApp：『What a you doing tonight？』雖然突然，但我其實已經估到（ 因為佢上次都係咁嘅套路），就答『Nothing special』。結果當晚都係冇見到，但第二日下晝飲咗70分鐘快閃下午茶，人哋本來『旋風式訪英48小時』探女，但都抽咗珍貴嘅一粒鐘見我，只係因為想同我『have an early birthday drink』⋯⋯飲完茶臨走嗰吓，今次互相擁抱得特別耐，呢件事發生係我同林太身上一啲都唔出奇，但咁多年都冇試過我鬆咗手林公子都未放手，溫暖，但我知如果問佢，佢一定會懶唔care咁話『係咩？可能飲咗少少酒姐（啫）。』#人大咗 #由超低能勁搞笑變成勁浪漫超溫馨 #呢份突如其來嘅溫暖真係 #天衣無縫嘅時間恰到好處嘅份量 #好過晒乜嘢生日禮物 #順便一問我用快閃呢兩個字算唔算令人尷尬嘅過氣潮語哈哈哈」
禪柔運動︳彭羚越玩越專業 家中再添新器械 好過買手袋：每日練習先有趣【下一頁】
不少網友對此大感興奮，他們留言表示：「諗起你以前專欄寫過同林氏伉儷好多三人行快閃東京嘅日子」、「雖然你分享得輕輕鬆鬆，但我唔知點解睇到眼濕濕，好感動」、「如果唔睇字，張相似你兩個嚟探林公子多啲」、「今次終於有三人嘅合照，林生個樣有啲醉」、「我好貪心，希望你說服林公子畀林太出嚟唱下歌…公開嗰啲」及「但，林公子睇落真係幾醉」。見到大家討論林海峰有點醉意，Wyman為好友解圍話：「佢係易紅體質，我其實完全feel唔到佢醉」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
此外，Wyman上次曬他同彭羚合照時，在網上寫上：「真係『關起手機 純靈魂對話』。而且特登跑到老遠，更加專心。This is some real catch up。#找一間堡壘吃飯聚舊大戲開場 #老友約會之必要」，彭羚隨後留言：「多得你饋贈無窮的溫暖」，而Wyman亦再回覆：「朋友嘅嘢，你做吓我嘅爐我做吓你嘅爐，我都多謝你俾我圍」，他們隔空對話，已令人感受到他們友情深厚。
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】