中年好聲音丨周吉佩素顏彈結他唱歌自揭瘡疤 壞習慣連吳大強都睇唔過眼話佢

周吉佩（吉吉）自從贏出比賽後受萬千寵愛，不足一個月就已經錄製新歌《你是我唯一的》，又頻頻出席商演活動賺錢。為答謝粉絲「吉S粉」的支持，吉吉日前特別開直播搞「問答大會」，雖然他表示只限傾偈，更勇敢以素顏上陣，不過手痕的他見到大家點唱都忍不住以結他自彈自唱，答謝大家支持。他笑言由於仔女已瞓著，所以要「細細聲」唱歌，認真搞笑。

同場加映：一舞傾城丨姚子羚認「表哥」長大了難演青澀角色 視網民為老友無懼遭惡搞

{{hket:ul-video id="8302"}}{{/hket:ul-video}}

中年好聲音丨周吉佩爆好消息被誤有第三胎？ 「多仔公」吳大強鼓勵：生啦怕咩呀【下一頁】

{{hket:inline-image name="348246933_245284648235753_3456258556817824145_n.jpg"}}{{/hket:inline-image}}

吉吉被追問不少「貼身」問題，他都照樣一一解答，他笑稱自己身高177cm，比年輕時矮了1cm。體重方面，雖然因忙碌而停晒運動，但由比賽前的163磅自自然然減至150磅，相信跟比賽壓力有關。他表示自己最愛「姣婆紫」顏色，不過即時被太太踢爆「吉S粉」官方Tee的粉紅色是由他決定，吉吉才解釋：「係呀！因為粉紅色旺我！」

{{hket:inline-image name="341902045_694738182338233_5980441001762841294_n.jpg"}}{{/hket:inline-image}}

有網友笑吉吉經常著穿窿牛仔褲，吉吉笑言：「網友問我到底有冇唔穿窿嘅牛仔褲，係有嘅，一條囉！其實全部都係穿窿！有一次Bill哥（吳大強）笑我，難得有一日終於條牛仔褲唔穿窿，點知輪到上面件衫穿窿，笑死！」被問到生活上的壞習慣，吉吉自爆這個壞習慣連吳大強都看不過眼，他說：「我壞習慣好多，其中一樣就係搣手指，唔知點解就成日不自覺咁摵手指倒刺，比賽唱《留住我吧》嗰陣，我緊張到不斷搣，唱完之後我隻手係爆血，一邊行一邊滴，Bill哥問我咩事，我答佢我搣倒刺，佢笑笑口咁鬧我：『衰仔，真係傻傻哋呀你！』」

周吉佩追夢不斷受挫曾萌死念 太太反對變支持：肉緊到瘦晒【下一頁】

{{hket:inline-image name="kat1.jpg"}}{{/hket:inline-image}}

素顏示人的吉吉向大家展示自己的內雙眼皮，而並非平時看上去的單眼皮。問到眼皮是否有傷疤，吉吉大方向大家展示，並娓娓道來傷疤的因由，他說：「4歲嗰陣玩碰碰車冇戴安全帶，點知撞埋去撞去車頭，最終流血入醫院縫咗兩針，咁就一世，所以小朋友唔好學我咁，要乖乖哋戴安全帶！」

被問到有沒有興趣拍劇，吉吉表示：「有興趣呀，但一定有少少驚，親熱戲？我諗咪唔會喇！問吓老婆先！老婆我拍唔拍得親熱戲？你真係畀？」身旁的吉嫂竟然回應說：「你咪拍囉，又唔係除褲！」吉吉隨後補充說：「未必得，有怨氣，同顏志恒拍親熱戲就ok！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組