陳法拉前夫薛世恒再婚近兩年 宣布將做爸爸：充滿好奇和期待

陳法拉前夫薛世恒（Daniel）2021年半島酒店與圈外女友Cherie舉行簡單婚禮，一年多之後嘅今日，佢喺社交平台post出一張太太摸住大肚嘅相，相信係要公布佢即將做爸爸嘅好消息呀！

同場加映： 田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

薛世恒post出一張同太太排排坐喺戶外長凳嘅相，兩個都露出甜蜜嘅笑容，佢輕摟住太太嘅手臂，而太太就雙手捧住睇落已經有5個月嘅孕肚，幸福不言而喻，薛世恒留言：「對於未知的世界充滿好奇和期待。Full of curiosity and expectations of an unknown world.」唔少人都留言恭喜佢，包括同佢冇血緣關係嘅孖生兄弟袁偉豪，不過前妻陳法拉就並冇公開道賀。

{{hket:inline-image name="37106a6177604c0ebc47e2844360491e_600.jpeg"}}{{/hket:inline-image}}

2007年陳法拉同Neway太子爺薛世恒嘅戀情曝光，冇幾耐之後更傳出兩人已經喺美國秘密註冊結婚，雖然二人都冇承認婚訊，但當年喺薛家嘅重要場合法拉都以薛家新抱身份現身，而佢嘅居所同出入代步嘅座駕都屬於薛家名下，2011年更大方同薛世恒手拖手現身公開活動。2013年傳出二人離婚消息，有傳因女方事業心重，未打算為薛家繼後香燈而喺薛家地位不保，成為離婚導火線。薛世恒曾於節目中自爆有段維持咗6年嘅婚姻，又指對方當時為事業保密婚姻，更透露唔係自己提出離婚，雖無指名道姓，但茅頭直指係陳法拉。

陳法拉2019年5月已經同拍拖3年幾嘅法籍靚仔男友Emmanuel Straschnov拉埋天窗，法拉一改以往低調作風，公開Post同老公嘅結婚相。2021年2月14號情人節陳法拉仲喺社交網報喜，宣布女兒「小米妮」已在鼠年尾出世。如今同薛世恒二人再見不相見，你有你生活，我有我忙碌，只能夠嘆句無緣！