李克勤個唱尾場被歌迷感動強忍淚水 稱家庭負擔重：唔會退休住

一連七場「弦續李克勤・港樂演唱會」昨晚圓滿落幕，克勤全晚不停收禮物，每次他行近觀眾席都滿載而歸，他在台上表示：「真係好多謝大家，利市就係我兩個仔助學基金，呢幾日都有返屋企拆禮物，睇大家寫畀我嘅信，我發覺我收到波衫、Lego、玩具啦，重有護膚用品、防曬用品，抗皺面膜都有，連護膚都要大家提我同照顧我，真係多謝大家一番心意。」 

同場加映：中年好聲音丨周吉佩人氣急升未做到仔女偶像 嘗盡人情冷暖：學識感恩同珍惜

{{hket:ul-video id="8271"}}{{/hket:ul-video}}

{{hket:inline-image name="SA9_3302a.jpg"}}{{/hket:inline-image}}

{{hket:inline-image name="SA2_1918a.jpg"}}{{/hket:inline-image}}

克勤昨晚又獻唱半首《傻女》，令捧場的原唱者陳慧嫻成為焦點，不停被觀眾集郵，他見慧嫻被包圍即說：「哎呀，寶麗金之友，哎吔，唔好意思，係我衰，引咗大家注意你添！」他又示意控制台快點關燈，好讓慧嫻可以安靜欣賞他的個唱。與觀眾互動環節，全場大合唱《 紅日》後，克勤又大讚：「呢邊唱得咁勁，唔怪得啦，原來張敬軒係到！」軒仔不單跟著克勤唱《 紅日》，很多首歌也站立又揮手又跳舞，看得十分投入，令台上的克勤不時做回心心手勢多謝。

{{hket:inline-image name="SA9_3357a.jpg"}}{{/hket:inline-image}}

{{hket:inline-image name="SA2_2514a.jpg"}}{{/hket:inline-image}}

到最後一首歌《告別校園時》，全場大叫encore，克勤連續encore了3首歌，觀眾一直點亮手機燈把紅館幻化燈海及跟著他大合唱，克勤感動道：「我要記住呢個畫面，我覺得我好幸運，我只係一個好喜歡唱歌嘅人 ，唱歌可以成為我職業，由1987 年第一隻唱片，到依家好一段時間，大家同我一齊成長，時間過得飛快，昨日（前日）炎明熹來做嘉賓，佢18歲，我個仔都15歲喇，我重同佢唱情歌，我都唔知點投入，哈哈....時間過得好快，尤其疫情，每個人都學會好珍惜身邊每一樣嘢， 今日你哋仲帶咁多燈牌，其實無論有冇燈牌，我都好珍惜大家對我嘅愛護，冇人會知道下次演唱會係幾時，工作係無止境，追求都無止境，但知足應該會有....係寶麗金年代，畫子（關維麟）揀呢首歌比我個陣，我最初好唔鐘意，覺得好娘，佢話你信我啦，你可能會唱一萬次。我冇諗過，呢隻歌咁多人鐘意，多謝大家。」然後為大家獻上《一生不變》， 全場跟著他一起大合唱，場面感人。

{{hket:inline-image name="SA2_2193a.jpg"}}{{/hket:inline-image}}

{{hket:inline-image name="101.jpg"}}{{/hket:inline-image}}

完場之後，大部份歌迷一直不肯離去，叫encore叫了近15分鐘，最後克勤不敵大家熱情，再一次上台，他笑道：「真係咁癡纏？」然後再唱了《誰願分手》及《沒有你嬴了世界又如何》才真正完結演唱會。

{{hket:inline-image name="8206bf89-27ed-4946-b010-4ee1bbbeacd7.jpg"}}{{/hket:inline-image}}

{{hket:inline-image name="WILL2877.jpg"}}{{/hket:inline-image}}

演唱會過後，克勤接受訪問時表示，歌迷及觀眾的熱情令他非常感動，他說：「可能耐冇做演唱會啦，佢哋真係好癡纏，今晚（昨晚）都算非常圓滿結束喇，我估我可能係香港開埠以來，係紅館收得最多利市嘅歌手，哈哈。」反應這麼好，會不會再開part2？克勤謂：「暫時未有計劃，但呢個騷會喺世界各地不同地方做，9月或者去澳門再做，歡迎大家去開旅行一齊去世界各地睇。」

{{hket:inline-image name="WILL2736.jpg"}}{{/hket:inline-image}}

問他唱《 一生不變》時是不是差點感動到想喊？克勤表示：「的確係好感動，但男人老狗真係盡量唔想喊啦，唔鐘意自己喊，唱『別了不知哪一天再相見』真係要忍住。」昨晚不少歌迷舉大燈牌，說他飛多遠會陪多遠，又有寫禁止李克勤退休，克勤笑道：「係呀，佢哋好驚我退休，大家唔駛擔心住，我家庭負擔重，唔會退休住啦！」

撰文：倪小珊

相片：大會提供