任李克勤尾場嘉賓 劉德華憶個唱腰斬留陰影

李克勤七場紅館個唱前晚落幕，克勤邀請好友劉德華任壓軸嘉賓，二人合唱《如果有一天》。華仔坦言唱這首歌有陰影，並重提18年在紅館開騷時，因喉嚨發炎，而腰斬演唱會︰「頭先一直都驚，上次我都係唱呢首歌，我吊喺上空兜咗個圈，就同大家講下次再見喇，所以今次再唱呢隻歌，對我嚟講好有意義，但個心又好驚慌。」

騷後，克勤表示唱《一生不變》時十分感動，「但男人老狗真係盡量唔想喊，唱『別了不知哪一天再相見』真係要忍住。」前晚有歌迷舉牌禁止克勤退休，他笑道︰「佢哋好驚我退休，大家唔駛擔心，我家庭負擔重，唔會退休住啦！」