愛回家丨群姐變懷春少女戀佳叔開感情線 真‧老公正氣有型 幸福嫲嫲兒孫滿堂

《愛回家之開心速遞》不時有新感情線出現，昨晚一集「新豪仔復仇記」竟然有段「黃昏戀」出現，清潔部除了頌姐（劉桂芳飾）跟申叔（李海生飾）是一對之外，「新豪仔」機械人出動復仇計劃，打算撮合鬥氣冤家群姐（許思敏飾）和佳叔（鍾志光飾），不惜「放電」令二人有觸電的感覺，可惜次次都誤中副車，搞亂晒關係。

同場加映：中年好聲音丨羅啟豪放棄英國生活留港做歌手 解38年怕醜悶局：唔敢期待婚姻

{{hket:ul-video id="8269"}}{{/hket:ul-video}}

愛回家丨「群姐」許思敏勁入屋始料不及 拒拍兩種戲：怕啲仔畀同事笑【下一頁】

{{hket:inline-image name="isa.jpg"}}{{/hket:inline-image}}

{{hket:inline-image name="isa2.jpg"}}{{/hket:inline-image}}

{{hket:inline-image name="isa3.jpg"}}{{/hket:inline-image}}

雖然群姐後來知悉是「新豪仔」的鬼主意，不過她都照樣「沉船」，主動追求佳叔，除了扮少女跟佳叔一齊踩單車外，更扣上情人鎖「定情」，搞到佳叔嗌晒救命。不過佳叔撞傷腳，群姐即時緊張為他捽跌打酒，即時令二人關係升溫，不少網友都追問，到底是否鋪排兩人有感情線呢？

在劇中，群姐以往都沒有感情線，最多都只是迷戀偶像歐陽波比（歐陽震華飾），隨後發展過三生三世的情緣，但劇情只交代群姐的丈夫早已離世，但她有兒子「群腳仔」和孫兒。現實生活中，許思敏跟丈夫不知幾恩愛，過去母親節全家人一齊慶祝，群姐兒孫滿堂熱鬧非常。許思敏的丈夫外表相當正氣有型，難怪遺傳到三位公子都高大兼有型有款。三位「群腳仔」各有成就，其中一名兒子舉家移民，而大仔Penny是保險從業員，工作時間較為彈性，如果許思敏接到廣告或者活動工作，Penny都會充當助手陪住媽媽，非常孝順乖仔。

{{hket:inline-image name="127746365_730295447619717_4671105970855663620_n.jpg"}}{{/hket:inline-image}}

{{hket:inline-image name="64234233_128707695006746_3655378934696617359_n.jpg"}}{{/hket:inline-image}}

星光背後｜《愛回家》群姐由特約成TVB藝人 曾遇車禍險毀容 老公不離不棄【下一頁】

許思敏24歲結婚做人妻，老公是她的第二任男友，她早前接受訪問時講過，「後生嗰陣我都算靚，我先生好畀心機追我。我返工會着高踭鞋，佢就日日車我，管接送。嗰次我參加派對後撞車，面上留咗好大嘅傷口，佢就話『你有咩傷口都愛你，我畀錢你整容』。（感到窩心？）嗰時自己好擔心呀！成世人有咁大嘅傷口，於是就反省……女仔唔應該咁貪玩，佢對我咁好，我亦找個歸宿嫁人。」追問兩公婆多年來是否恩愛如昔？許思敏笑說：「邊有咁多愛？咁多年乜愛都冇晒啦！夫妻相處咁耐一定有拗撬，嘈完就算啦，都試過嘈到鬧離婚……嗰次佢去咗澳門賭錢失蹤，嗰陣電話通訊冇咁方便，我同佢嘈咗幾句……佢當然又輸錢啦，之後我就嗌離婚，佢冇出聲。我離開屋企，走咗去食牛腩麵，三個仔嚟搵我返去……冇事冇事。其實有乜嘢拗撬都好，雙方行開一陣，放鬆一陣就會冇事。我哋少見面會好啲，我去拍戲有工作，佢就會自己搵娛樂。我成日同老公講『我忙拍戲，你可以去搵個伴』，我先唔擔心佢會出軌呀！夫妻相處就係要咁，有幽默有包容。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組