鄭艷麗曾患厭食症病況反復難搵工 每日放工狂嘔 幸獲老闆體諒照顧

現年52歲的息影女星鄭艷麗，曾因厭食症令體重暴瘦至90多磅，最嚴重時更被送入ICU，身體狀況一度反反復復；2020年11月曾在Facebook發文，呻被人誤會講大話，返工時又被同事欺負。

同場加映：中年好聲音丨羅啟豪放棄英國生活留港做歌手 解38年怕醜悶局：唔敢期待婚姻

{{hket:ul-video id="8269"}}{{/hket:ul-video}}

{{hket:inline-image name="constance_trinh39688_340339770_1012349086414059_4998166204558145156_n.jpg"}}{{/hket:inline-image}}

{{hket:inline-image name="constance_trinh39688_105566235_593741254679681_2876754291283954501_n.jpg"}}{{/hket:inline-image}}

據知鄭艷麗由於健康問題，經常要請假睇醫生兼休息，結果影響本身工作，因此轉工次數較平常人多，亦很難搵工。日前鄭艷麗在IG公布好消息，她今年3月底經朋友介紹到一間私房菜打工，指有機會在這個地方做至退休，大讚老闆娘跟同事體諒她現時的身體情況。

【曾因厭食症入ICU】鄭艷麗患病被指講大話大呻冤枉 爆返工俾人蝦：我要點樣撐住【下一頁】

鄭艷麗在IG寫上：「其實都有好多嘢好想同大家分享，因為自己嘅身體問題，所以工作都唔可以好似正常人咁日日返工，之前做大集團嗰啲公司都唔能夠體諒我，所以會時時轉工，因為佢哋冇辦法接受到我返吓工又唔返工。喺三月份有個朋友介紹我去間私房菜度做，本來唔想去，因為地區比較遠，因為冇嘢做，唔想成日喺屋企，所以就決心去見吓，見得成功，就開始喺3月21號上班⋯⋯點知好景不成，4月我又中咗招，之後身體又一直咁差落去，所以只係返得11日工。」

（↓點擊放大睇圖片↓）

她之後說出重點：「我終於搵到一間肯體諒我嘅公司，老闆娘、儀姐、經理李小姐和每一位員工，對我好好、好體諒我，老闆娘仲知道我身體嘅狀況，仲想幫我醫好我嘅病，每日都畀個燉湯我飲。本來每日放工返屋企都會嘔，個胃又會痛得超厲害，而家都有嘔，但係至少冇胃痛，我感覺好窩心，好有溫暖，世界上某啲地方真係仲有人情味嘅。其實我係好缺乏畀人愛惜嘅，而家每日都覺得好有溫暖、有人愛惜我，所以一定要同大家分享。我諗我而家應該可以做到退休，唔使再成日轉來轉去啦！」她感恩上天給她一份好工作，又感謝老闆娘及所有員工；不過最後表明不能公開工作地方，避免有傳媒前來追訪。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】