鄧萃雯冇諗過40歲因如妃再爆紅 讚黎耀祥係戲癡力推對方演柴九

鄧萃雯在影視圈演出過不少作品，當中劇集《再見亦是老婆》的湯敏蓉、《金枝慾孽》的如妃、《巾幗梟雄》的四奶奶和《巾幗梟雄之義海豪情》的九姑娘，最為觀眾印象深刻。最近有傳《巾幗梟雄》將開拍第4輯，有不少網民都十分期待。

同場加映：中年好聲音丨羅啟豪放棄英國生活留港做歌手 解38年怕醜悶局：唔敢期待婚姻

{{hket:ul-video id="8269"}}{{/hket:ul-video}}

{{hket:inline-image name="50.jpg"}}{{/hket:inline-image}}

{{hket:inline-image name="60.jpg"}}{{/hket:inline-image}}

雯女早前接受李志剛的港台節目《好心情經理人》訪問，對於在《金枝慾孽》飾演如妃一角，雯女坦言給自己僅僅合格的分數，「如妃角色嘅對白實在太難唸，要唸到抑揚頓挫，又有晒戲就更加難，我覺得係一個好好嘅訓練。如妃係一個非常聰敏嘅人，呢套戲係超越咗鄧萃雯嘅能力，因為我本身都唔係咁醒目嘅人，但呢個角色提升咗我，令大家相信我係一個咁高智慧嘅人。」她表示很感謝監製和編劇，令如妃一角這麼立體，亦令事業再創另一個高峰，她笑說：「真係冇諗過接近40歲再紅一次，同埋最大改變就係，冇乜人再搵我演柔弱角色。」

三八婦女節｜鄧萃雯自拍堅持唔P圖向女性致敬 「能接納自己和愛惜自己就很棒了」【下一頁】

提到另一個高峰《巾幗梟雄》系列，她指與黎耀祥都是戲癡，亦是成熟的演員，雯女說：「係我慧眼識英雄，我叫添哥（監製李添勝）搵祥仔，因為我一早𥄫到祥仔好好戲，又見佢做極都係二、三線，但已經搶咗出嚟好好睇，我好想同佢合作，我冇諗過我哋咁夾，我哋亦冇計算到出嚟嘅效果。」

鄧萃雯喊戲出盡奶力內地網民受落 受廖啟智啟發一改初入行囂屎態度【下一頁】

{{hket:inline-image name="13.jpg"}}{{/hket:inline-image}}

{{hket:inline-image name="14.jpg"}}{{/hket:inline-image}}

雯女在1984年考入無綫第2期藝員招募訓練班，同班同學有郭富城、邵美琪、黎美嫻、陳庭威、謝天華等，由於一劇接一劇，猶如在戲劇世界中過活，雯女當時毅然放下演藝事業，到美國讀書。完成學業後，雯女轉簽亞視，先後接拍《我和春天有個約會》、《再見艷陽天》，她坦言在亞視期間有很多得著，「亞視係一個家庭式嘅電視台，人情味好濃厚，冇嗰啲各家自掃門前雪；喺TVB基本上不能畀你有咁多意見，習慣咗盡量做好自己嗰啲就得喇。去到亞視，佢哋好appreciate你，因為嗰時打仗（兩台之爭），亞視希望我哋除咗做演出之外，對套劇仲有咩可以付出多啲，咁啱我都係咁嘅人，拍拍吓遇到劇本有問題，我真係會向監製出聲，監製又會畀我開會，發表吓我嘅意見，可以點樣改進，唔會覺得我係多事，當然我唔知私下有冇人唔鍾意，但我係為件事好，我真係愛我嘅行業，愛我自己嘅作品，我收得你咁嘅人工，我係100%付出。」

{{hket:inline-image name="51.jpg"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】