《愛回家》「堅慌」｜陳俊堅無懼鼻敏感樂於做「鏟屎官」 緬因貓「Tiger」Chok樣似謝霆鋒

在《愛回家之開心速遞》中飾演助導「堅慌」的陳俊堅（Kinlas）是愛貓之人，養了兩隻貓貓，一隻是唐貓「喵喵」；另一隻是緬因貓「Tiger」。Kinlas透露自己有鼻敏感，但因為自己與女友都喜歡貓，樂於做「鏟屎官」，因此便盡力克服這個問題，「惟有日日吸兩次塵啦！」

同場加映：一舞傾城丨姚子羚認「表哥」長大了難演青澀角色 視網民為老友無懼遭惡搞

{{hket:ul-video id="8302"}}{{/hket:ul-video}}

Kinlas指他在三年前開始養喵喵，原來喵喵是流浪貓，「之前喺街度見到佢咁慘，就執佢返嚟，養到而家。養養吓就想搵另一隻貓陪佢玩。」他表示與女友想了很久才決定養多隻貓，「可能呢啲係緣分啦，咁啱朋友嘅貓生到一隻，就接埋Tiger返嚟養！」

{{hket:inline-image name="42423.jpeg"}}{{/hket:inline-image}}

Tiger係純種嘅俄羅斯緬因貓，主人Kinlas表示自己本身都鍾意大隻啲嘅寵物，緬因貓就「正中下懷」：「養咗一年佢已經大過隻唐貓啦！佢嘅性格我哋稱之為『溫柔的巨人』，佢有謝霆鋒嘅Chok樣，有陣時就好似大佬咁。」

{{hket:inline-image name="234243.jpeg"}}{{/hket:inline-image}}

Tiger樣子凶神惡煞，但原來比起喵喵來說，牠就比較安靜，Kinlas說：「Tiger平時就好少會『喵喵喵』，除咗拎嘢食嗰陣時先會係咁叫，而且非常大食。」他又笑言Tiger性格有點難觸摸：「佢都會有撒嬌嘅時候，不過佢會喺旁邊望住你陪住你，但係又唔畀你係咁摸佢。次次開門返嚟嗰陣時又會企喺個門口等你，呢啲可能就叫做遙遠的愛，哈哈！」

而Tiger又有另一個名叫「太監」，Kinlas指是由媽咪改的，「有一次我同女友去旅行，兩隻貓就要返去媽咪爹哋屋企暫養。我哋去到旅行都有關心吓啲貓，跟住媽咪錄語音嗰陣時，突然間將Tiger呢個名講咗做太監，笑到我哋飛起！」自此Tiger名字就變了做「太監」，Kinlas笑言：「而家叫佢太監佢都識應！」

《愛回家》賈明昇｜鄒兆霆創業遇人不淑曾被呃6位數字 汲取教訓與好友再搞汽車美容生意【下一頁】

圖片來源：受訪者提供