黃庭鋒喜遇偶像碧咸全程心心眼 讚對方勁紳士靠一個人成功𢲷合照

黃庭鋒近年百足咁多爪，除了演戲之外，由於他能操流利兩文三語，外表又正氣，所以獲不少品牌的邀請擔任司儀的工作。昨日他就「過大海」到澳門，為倫敦人酒店開幕擔任大會司儀，夥拍陳貝兒一齊盛裝示人，典禮上還有嘉賓「萬人迷」碧咸、鄧紫棋、鋼琴家郎朗等，吸引大批市民圍觀，而親民的碧咸日前來港在金鐘現身之後，今次一樣非常親切，主動走到市民的旁邊，為大家簽名和自拍合照。

同場加映：中年好聲音丨羅啟豪放棄英國生活留港做歌手 解38年怕醜悶局：唔敢期待婚姻

{{hket:ul-video id="8269"}}{{/hket:ul-video}}

黃庭鋒4年前電視城外被寫大字追數 搵私家偵探查真相：好擔心公司點睇我【下一頁】

{{hket:inline-image name="110091f6-9acf-40b3-be9f-1dc5615f1432.jpg"}}{{/hket:inline-image}}

其實興奮的又何止圍觀的市民，今次做司儀的黃庭鋒一向是足球迷，面對今次偶像級球星碧咸，他都形容開心到好似發夢一樣。庭鋒接受《晴報》電話訪問，他表示：「第一次真人見，就算我當年去英國就算去球場同睇波，都唔會咁近距離見到碧咸。起初都係平常心，但去到現場我負責介紹嘉賓進場，點知佢越行越近，我成個人直情係震，睇緊呢個係我由細睇波睇到大嘅一個傳奇同偶像。」

黃庭鋒形容當時自己由司儀變小粉絲，主動向碧咸提到自己是足球超級狂迷，「直接同碧咸講自己係粉絲，佢真係超級親切同友善嘅紳士，主動同我握手，後來合照都有求必應。」

世界盃決賽丨袁文傑黃庭鋒視法國對阿根廷矛盾對決 鍾志光：30幾年第一次自己睇決賽【下一頁】

黃庭鋒坦言心情難免緊張，但仍然要保持最專業的一面完成手頭上工作。完成活動後，見到碧咸獲保鑣護送離開，他不想直接打擾對方，惟有向他的保鑣稱想跟碧咸合照留念，「佢保鑣真係好好人，幫我轉達之後，邀請我入佢間休息室合照，真係超級開心。我係第一個，然後我出去間房，見到勁多人排住隊等，其中一個係郎朗，佢都話我勁好彩！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組