溏心風暴丨李坤城兒子爆爺孫戀內幕極醜惡 27歲後母林靖恩陰謀奪產

台灣知名作詞人李坤城同細佢40歲林靖恩嘅「爺孫戀」轟動一時，隨李坤城去世，二人再次成為熱話，林靖恩連日遭李坤城兒子指控，其中更指佢係為咗爭遺產先結婚，台灣溏心暴上演。

同場加映：一舞傾城丨姚子羚認「表哥」長大了難演青澀角色 視網民為老友無懼遭惡搞

{{hket:ul-video id="8302"}}{{/hket:ul-video}}

李坤城兒子李卓軒連日用爸爸嘅社文平台爆料，指爸爸同後母林靖恩「他們根本沒有談戀愛」，話爸爸當林靖恩女兒一樣對待，又話因為林靖恩同家人斷絕關係，所以爸爸怕分開林靖恩冇地方住。此外，李卓軒又斥林靖恩係「巨嬰」，日日喺屋企打機甚至酗酒，不但冇工作，仲要爸爸洗衫、煮飯、賺錢。

{{hket:inline-image name="1780859_732035653488079_133877438_n.jpg"}}{{/hket:inline-image}}

李卓軒指爸爸為咗養林靖恩申請咗4筆貸款，2人生活、房貸、水電等費用，又話爸爸後來病重時，也都係由姑姐照顧，仲要順便照顧埋林靖恩。而姑姐本來就能簽署醫療同意書文件，唔需要同林靖恩結婚先有人處理呢方面嘅事。李卓軒指爸爸根本冇準備結婚證書：「林小姐自己寫好幾份預備拉我爸的手用蓋指紋的，當時我爸已經手沒辦法簽字了，林小姐能還去偽造文書，把我爸的銀行戶頭裡的救命錢領光，車子賣光！」

李卓軒更炮轟林靖恩將老家搞得烏煙瘴氣，又唔處理遺產稅、房貸等事務：「我若沒有進去把神主牌搶救移出來也是會被林小姐摔爛，鎖也換了不讓家人進去，這也叫真愛？這叫貪婪，好笑至極！」佢表示海葬爸爸當日林靖恩都冇到場：「林小姐怕負擔喪葬支出直接神隱，整個後事過程我都有通知她來，她只回『我不需要參加』，人走茶涼，物是人非。」

圖片來源：Facebook