海洋公園「Chill All Night」6月周末回歸 免費入場

為咗響應「開心香港」活動，海洋公園嘅夜間饗樂體驗「Chill All Night」下月將回歸。黛安知道，由6月3日起，海洋公園一連4個星期六會邀請訪客喺晚上免費入場，於星空下觀賞多媒體光影滙演，包括融合原創音樂及大型光雕投影表演嘅「光影頌」等，投入節拍強勁嘅現場音樂和吉祥物舞蹈表演。

入園後大家亦可以去海龍王餐廳歎美食，一邊品嘗星級廚師主理嘅中菜，一邊欣賞5,000條珊瑚魚喺身邊暢泳；食尚水都小食亭亦會提供薄餅、脆皮豬手等小食；「Chill All Night」仲有一系列精采表演和遊戲攤位，畀大家玩足全晚㗎。