楊茜堯爆Seed誤中副車 羅子溢︰老婆講唔好意思

無綫總經理曾志偉昨日率領藝員羅子溢、張寶兒及蔡思貝等到灣仔出席酒會，羅子溢太太楊茜堯日前忽然po出嬲嬲Emoji，惹來二人婚變疑雲，子溢昨日再度澄清僅是太太與朋友間的誤會。子溢說：「佢嘅事即係我嘅事，正常大家都會入我數，如果唔係就驚。（網民翻舊帳話你個底花？）今日（昨日）唔講呢啲，講將來同現在。」提到太太舉動惹誤會，他稱︰「佢有講唔好意思，如果真係好認真，就唔會用呢啲小女孩用嘅圖案。」

同場的張寶兒穿上中門大開的貼身裙上陣，十分性感，她笑言老公袁偉豪早已過目︰「夏天呀嘛，盡量試唔同嘅嘢。」而蔡思貝最近主持的旅遊節目《貝遊英倫》反應佳，問到此行可有艷遇，她無奈道︰「無，有嘅話仲企喺度？做幸福少奶奶啦。」

採訪、攝影︰Pauline