一舞傾城｜楊明與蔡潔親熱戲唔使同女友備案 莊思明曾被指「貼身監視」眼神凌厲

《一舞傾城》今晚（29日）一集將上演激情戲碼！暗戀Monica（蔡潔 飾）的志飛（楊明 飾）在Michelle（姚子羚 飾）推波助瀾下成功約會對方，二人意亂情迷下發生一夜情；惟Monica事後對志飛有所避忌，似是未能走出失戀陰霾。

同場加映：

一舞傾城丨姚子羚認「表哥」長大了難演青澀角色 視網民為老友無懼遭惡搞

{{hket:ul-video id="8302"}}{{/hket:ul-video}}

蔡潔、楊明這場近1分鐘的親熱戲，兩人化身人肉風火輪轉住嚟咀，由門外咀到上床，相當肉緊。楊明受訪時說：「其實都冇乜尷尬，大家都入咗行咁耐，都明白拍戲係咁，蔡潔好專業呀，而我都有拍呢類戲嘅經驗，大家溝通好晒。事前都試咗幾次位，務求用最少take完成呢場戲。」

{{hket:inline-image name="77.jpg"}}{{/hket:inline-image}}

問到事前有沒有向女友莊思明備案？楊明笑言：「都唔使備案！思明有份拍呢齣劇，劇本佢睇晒，佢知道有呢場戲...但係呢，都會同佢講聲邊日會拍呢場嘅。最好嘅情況就係咁啦，另一半都係演員，佢會明白係乜嘢一回事。」

{{hket:inline-image name="89.jpeg"}}{{/hket:inline-image}}

講到有除衫曬肌畫面，楊明坦言做足準備，「因為唔想肥騰騰咁，所以拍攝前都有做掌上壓，引體上升泵脹啲肌肉，亦有聽前輩分享話拍之前要收水，希望啲肌肉唔好咁鬆散。但掌上壓又唔可以做得太多，做得太多會累，到拍攝時有啲動作會唔夠力做！」

楊明與莊思明拍拖7年，一直十分恩愛，不時情侶檔接拍劇集及電影。除了今次《一舞傾城》之外，他們也曾一同拍電影《時代》。當時有報道指女方會「貼身監視」男朋友，又經常在網上大曬恩愛以嚇退「情敵」。《時代》中楊明跟許芯悅扮演情侶，後者在受訪時直認被莊思明的舉行嚇親，指她的眼神十分凌厲，令她不敢同楊明單獨拍照；莊思明否認做「監場女友」，表示︰「真係好笑！唔好屈得就屈...」

楊明坐監18天聽日刑滿出獄 莊思明拍劇受訪講到明唔提男友【下一頁】

撰文：娛樂組

圖片來源：東星、大會提供