樂於聽取民意 龍婷望做人見人愛歌手

龍婷前晚假文化中心舉行《星夢交響慈善音樂會》，選唱鄧麗君、張國榮和梅艷芳等經典金曲，並再次挑戰跳唱，現場反應熱烈。問到會否轉型做跳唱歌手，龍婷表示︰「觀眾鍾意我做乜，我都會學習，要變得多元化，成為人見人愛嘅歌手。」開騷翌日，龍婷與《中年好聲音》的周吉佩和顏志恒，一起出席《萬眾同心公益金》記者會，工作量多多。

昨日記者會上，出席藝人還有陳美齡、譚嘉儀和趙希洛等。陳美齡完成慈善騷後便返日本，籌備推出新書。她透露新書題材是50句勉勵人心的說話，「其中一句係我爸爸講『如果你感到迷惘，就要揀最難行嘅路，就算唔成功，都學到嘢同成長』，我都係用呢個方法去教三個仔。」

採訪︰Pauline

攝影︰林良明