埋單$6000｜食Omakase後確診 港女質疑被廚師傳染要求退款 餐廳一招處理揭真相獲讚

日式廚師發辦（Omakase）近年大受港人歡迎，有港女近日在光顧一間Omakase（廚師發辦）餐廳後，卻在網上指控當時一名有戴口罩的日本老廚師，在煮食時咳嗽，導致她用膳後確診新冠肺炎，故要求餐廳道歉及退款。餐廳一方遭受公審後，則公開另一版本與事主的對話，讓網民自行評斷事件，做法受網民大讚。

同場加映:

Healthy Life｜「低頭族」易有圓肩烏龜頸 2組普拉提動作紓緩肩頸痛

{{hket:ul-video id="8323"}}{{/hket:ul-video}}

據女事主上周四（25日）在Facebook群組「香港Omakase おまかせ 關注組」發帖指，早前為慶祝朋友生日，於是特意預訂了半島酒店一間日式餐廳享用Omakase。不過，她到場後先批評餐廳樓底甚矮，感覺侷促，抱怨「冇乜地方可以打卡」。

她與友人當晚合共花費了逾6,000元用膳，她認為不太划算，因為「比起平時嘅Omakase，1,800蚊已經應該食得飽」。她特別批評餐廳內一名日本老師傅整晚都在咳嗽，表示：

「咳得嚟仲要係有痰咳，我唔係醫生，但係感覺唔似普通咳囉！」

事主當晚回家後即感頭痛不適，3日後證實感染新冠肺炎。雖然老師傅有戴口罩，但她質疑自己被對方傳染，於是向餐廳要求道歉及退款，但遭餐廳拒絕後，她隨即在網上發文公審。

餐廳全員快測 無人陽性

對於事主的指控，餐廳其後亦公開雙方對話內容。對話中，事主將有關餐廳的負評截圖，批評「原來係習（應為︰慣）犯」，又揚言向食環署投訴，甚至語帶要脅稱「你哋等收X啦」、「我咁樣病發睇醫生同埋要請病假，成個星期都返唔到工，呢啲賠償冇人可以賠到畀我」、「你話你哋冇得開幾個星期呢條數金，定係我嗰晚食飯嗰條數金啲呢？我而家病咗喺屋企好得閒呀，我有大把時間同你玩」。

餐廳經理首先已為事主不快的用餐經歷致歉，並曾致電事主了解情況。經理解釋：「師傅有一定年紀，有時氣管敏感會出現幾聲咳嗽，因此一路以來他和全店員工都是戴着口罩去招呼客人，一直以來亦都冇收過任何這方面投訴。」又強調公司有嚴格衛生程序要求員工「每20分鐘Deep Clean（深層清潔）隻手」，員工如感不適也需即時做檢測，餐廳每日至少消毒3次。

而在收到事主的投訴後，餐廳亦已要求所有員工進行快測，結果無人呈陽性反應。他強調店方一向接受客戶的批評及建議，惟今次事件「始終找不到理由全數退款給貴客的原因」，因此送上印有「早日康復」的電子慰問卡。對於事主「唔退錢就上網寫衰你哋」的做法，餐廳表示絕對不能夠認同和妥協這種惡意威脅。

網民：點證明COVID係喺餐廳傳染？

不少網民了解事情後，均認為事主無理取鬧，批評她只是想吃免費餐，「咁驚人咳，唔好出街食飯」、「樓主點樣證明你COVID係喺人哋餐廳傳染返嚟」、「你希望餐廳賠償乜畀你？你返唔到工畀返一個禮拜糧你」、「其實條街，坐車中嘅機會大好多，唔好諗住除口罩食嘢先會中」、「如果師傅快測為陰性，但樓主第二朝已經唔舒服之後確診，即係樓主用餐時已經帶菌」、「呢啲天氣氣管敏感會咳好正常」。

U Lifestyle App睇盡《晴報》新聞資訊及自家節目 
↓↓同步更新、更快更順↓↓
【免費下載】

每朝索取《晴報》：精明生活．健康家庭．開心娛樂