中年好聲音丨彭家麗被參賽者感染重燃鬥志 硬頸拒走捷徑：活著已經好感恩

彭家麗（Angela）在《中年好聲音》擔任導師的角色，在準決賽苦練舞步跟龍婷合作，她坦言接觸過一大班參賽者後，實實在在被他們對歌唱的熱誠所感染。彭家麗經歷2004年扑頭意外令頭骨裂開，連開口咀嚼都有困難，慢慢復健再次執教鞭教唱歌，甚至出新歌再次現身幕前，名與利似乎已不再是人生首位，她說︰「我能夠活著就已經是感恩！」

{{hket:ul-video id="8360"}}{{/hket:ul-video}}

彭家麗與韋綺珊、蔡立兒獲邀為《中年好聲音》擔任星級導師，在其中一個環節更是師徒合作，彭家麗多年來甚少接觸的舞蹈，落力練習、表演只為龍婷爭取更高的分數。「同龍婷合唱真係搞到一額汗！決定唱呢首歌（《一切也願意》）冇諗過要跳舞，一直都冇壓力，直至比賽前幾日話要排舞，我幾十年冇跳舞，真係有壓力。排練有出錯，好彩正式演出表演就順利完成，雖然話導師部分唔會影響參賽者分數，但都唔想失禮㗎嘛！」

{{hket:inline-image name="DSC09946.jpg"}}{{/hket:inline-image}}

{{hket:inline-image name="DSC09910.jpg"}}{{/hket:inline-image}}

龍婷慈善音樂會邀彭家麗合唱 想請埋朱主席：係咪可以搵佢【下一頁】

彭家麗表示參與節目的整個過程中，見證參賽者追夢，感受到他們當中的一份珍惜，「佢哋不論年紀，每次比賽都好認真揀歌，我心入面唱歌團火都唔及佢哋燒得咁旺！佢哋反而影響番我，真係一次好好嘅提醒。我話畀自己聽未來日子要多加努力，為自己打氣！」

{{hket:inline-image name="PANG3.jpg"}}{{/hket:inline-image}}

{{hket:inline-image name="329004459_639055334570435_2582756377475720643_n.jpg"}}{{/hket:inline-image}}

{{hket:inline-image name="405312a5-5f6c-4114-9556-f5693e00d769.jpg"}}{{/hket:inline-image}}

同樣是中年的好聲音，彭家麗早於1989年出道，憑《風鈴》、《何故・何苦・何必》、《是不是這樣的夜晚你才會這樣的想起我》及《從不喜歡孤單一個》等歌曲而為人熟悉，回想昔日活躍樂壇的日子，她深明自己性格執著，根本不太適合在圈中發展，「我好追求原則，你要我連續捱夜十日工作，得到應得酬勞，我可以，如果要求我去飯局賺錢...以前真係有唔少呢種邀約呀！我都選擇拒絕。雖然係容易賺嘅錢，我性格就係寧願唱幾十首歌，你畀我應有報酬就可以，一分努力一分收穫。」她性格太靜又猶豫不決，過往錯失很多機會，現在人到中年儲到足夠的人生歷練，雖則不會十分進取，機會來到的話也定必好好把握。

彭家麗未婚夫出軌後梳起唔嫁？ 胞弟彭皓鋒做萬年綠葉從無怨言【下一頁】

2004年彭家麗在街頭被扑頭黨擊傷頭部，頭骨裂開嚴重受傷，幸而走出鬼門關。這次意外令彭家麗對人生看法完全扭轉，「受傷嘅頭一年好擔心，因為頭骨裂開我唔能夠咬嘢，個嘴巴開合都有困難，成日耳鳴，耳仔對唱歌非常重要，我一直擔心唔可以完全好番。休息一年幾，仍然不斷唔記得嘢，手腳唔協調，好怕自己唔可以再教唱歌。」她有感聽力下降，一直求醫並接受各類檢查，「檢查出嚟嘅結果都係Excellent！即係變得比以前差但仍然係Excellent！真係好感恩上天畀我有天賦，有清晰嘅聽力，最終可以放心繼續教唱歌。其實意外之後，我覺得人生上大小事情都要感恩，你諗吓咁嚴重嘅意外，我冇死到，而家仲可以唱歌、出唱片，對我嚟講，活著就已經好感恩！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉

攝影：何家賢、林君茹

化妝：Jessica Chan

髮型：Bowie Lo @AdmiX Hair Styling

場地：PHENOMENON WINE·DINE（The ONE）