【聲明】港生活網站並無進行電話推廣活動

自責《叱咤》表演難睇 姜濤曾要求公司雪藏自己

發佈時間: 2023/06/01

姜濤最近推出新歌《Dummy》自嘲要打頭敲醒自己,藉歌曲提醒自己要接受不同聲音。昨日姜濤到商台接受《叱咤樂壇》訪問,重提一月叱咤頒獎禮上的演出,他透露翻看片段時的感受︰「好辛苦捱過三分鐘,我同大家一樣都好難捱。」對自己表演十分不滿的姜濤,自爆向公司提出雪藏自己,好好反省及沉澱下來。

姜濤昨日接受商台訪問,首次剖白在《叱咤頒獎禮》演出失準後,自己近半年的心路歷程。DJ謝茜嘉問叱咤演出對他影響很大?姜濤說︰「話無影響就一定係假,(落台後唔滿意?)已經知道有啲唔對路,無諗過之後報道係海量,係我入行五年來比較deep(沉重)嘅一段時期。」姜濤向來緊張自己的演出,但一直不敢翻看當晚表演,「我隔咗個幾月都唔敢睇,後來的起心肝,知道唔可以再逃避,於是我喺屋企開嚟睇,好辛苦捱過三分鐘,我同大家一樣都好難捱,真係好難捱;我無後悔做呢個表演,做歌手係表達當下情緒,但的確唔成熟同埋脫離表演本質。」

自認不成熟

姜濤自爆曾打算沉澱一下,不出歌一年,更考慮過拒絕辦個人演唱會,並向公司提出要求雪藏自己,「嗰段時間成日跑山,同公司講『不如你哋雪我啦』,前幾年真係衝太快,太多嘢太快得到,好容易迷失,我覺得係上天安排要我靜下。」幸好姜濤最終轉念,推出《Dummy》來自嘲,才成功釋懷,「每件事都有兩面,唔好嘅事睇到背後嘅意義,都可能成為一件好事。」

撰文︰Doris

美術︰梁政敏

自責《叱咤》表演難睇 姜濤曾要求公司雪藏自己

姜濤昨日公開跳女團BLACKPINK成員Jisoo的「開花舞」。(IG截圖)

自責《叱咤》表演難睇 姜濤曾要求公司雪藏自己

姜濤在IG出po擔心在電台外守候的粉絲辛苦,完成訪問後,他主動為粉絲簽名,十分貼心。(IG截圖)

自責《叱咤》表演難睇 姜濤曾要求公司雪藏自己

姜濤重遇曾經在個人FB批評他的梁文禮(左一),完全沒有芥蒂。(IG截圖)

↓【晴報 睇住賞 – 送5部德國寶全新Ultra Slim負離子速乾風筒】↓

↓ 吹髮新體驗 速乾護髮不手軟↓

卡樂B激量裝薯片!蜜糖烤雞翼味 / 茄汁味!